Kilisaatit marluk aportut

Kilisaatit marluk nunatsinneersut Maniitsup kujataatungaani arfininngornermi unnukkut aporput. Inuttat ajoqusersimanngillat, kilisaatilli marluk apornerminni akornuteqalersimagamik maanna Nuup tungaanukarput.

Royal Greenlandip kilisaataa Akamalik aamma Polar Seafoodip kiliisaataa Polar Nataarnaq Maniitsup kujataatungaaniitsillutik arfininngornermi unnukkut aporput.

Royal Greenlandimi attaveqatigiinnermi pisortaq, Masaana Egede, Sermitsiaq.AG-mut pisumik uppernarsaavoq.

Taanna ilisimatitsivoq paasisani naapertorlugit inuttanik ajoqusertoqarsimanngitsoq, kiliisatilli apornerminni akornuteqalersimasut.

Kilisaatit maanna Nuup tungaanukarput, aqagulu misissorneqarlutillu nalilersorneqassapput. Ajutoorneq aamma sillimmasiisarfimmut nalunaarutigineqassasoq, Masaana Egede oqaluttuarpoq.

Politi aamma Arktisk Kommando akuliunneqanngitsut

Polar Seafoodimi siulersuisuni siulittaasoq Henrik Leth uppernarsaavoq inuttanik ajoqusertoqarsimanngitsoq.

Pisoq pillugu Sermitsiaq.AG-p politiit Arktisk Kommandolu paasiniaaffigisimagaluarpaat. Taakkuli pisumi suli nalunaarfigineqarsimanngillat.

Nittartakkami marinetraffic.com-imi nalunaaqutaq 19.00 missaani takuneqarsinnaapput angallatit arlallit sumiiffimmi katersuussimasut.

Powered by Labrador CMS