Kilisaat umiarsualivimmi qaarsumut aporsimasoq
Kilisaat Polar Nattoralik tallimanngormat ullup-qeqqata siorna Nuummi umiarsualivimmi qaarsumut aporsimavoq. Polar Seafoodip kilisaat ajoqusersimanersoq pillugu misissuisoqarnerata inernera maanna utaqqimaarpaa.
Polar Seafoodip kilisaataataa Polar Nattoralik raajarniarluni aallarttussaangaluarluni, tallimanngormat Nuummi umiarsulivimmiiginnartariaqalersimavoq.
Kilisaammi inuttat ullup-qeqqanngilaataanni umiarsualivimmit avalanniarlutik, kilisaat uteriarteriarlugu siumut aallartinniarnera ajornartorsiutigisimavaat.
- Kilisaat taamaammat qaarsumut aporpoq, Polar Seafoodimi siulersuisut siulittaasuat Henrik Leth nassuiaavoq.
Aqqartartunit misissorneqassasoq
Taamatut ajutoortoqartillugu ileqquuvoq, Imarsiornermut Aqutsisoqarfimmit piumasarineqartarnera, angallatip aallarteqqinneqannginnerani misissorneqarnissaa.
Henrik Lethip oqaatigaa, Polar Nattoralik ajoqusersimanersoq aqqartartunit maanna misissorneqartoq, aamma angallatip aallarteqqinneqannginnerani, misissuisimanerit inerneri ilisimasalinnit arlaannaannulluunniit attuumassuteqanngitsunit nalilersoqqaarneqassasut.
Siulersuisuni siulittaasup naatsorsuutigaa, kilisaat raajarniarluni aallassasoq misissorneqarnera naammassiniariarpat, tassa kilisaat annertuumik ajoqusersimanngippat.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...