Kilisaat Qasigiannguit eqqaani ikuallattoq
Polar Seafoodip kilisaataataa qulinik inuttalik ippasssaq unnukkut ikuallappoq. Inunnik ajoqusertoqarsimanngilaq, pujuliorneralu suli qaminniarsarineqarluni.
Politiit nal. 19.03 Aasiaat Radioan8t nalunaarfigineqarsimapput, kilisaat Qasigiannguit eqqaani ikuallalersimasoq. Pigaartut pisortaat Brian Thomsen Sermitsiaq.AG-mut taamatut oqaluttuarpoq.
Kommuni Qeqertalimmi upalungaarsimasut attavigineqaramik angallatinik arlalinnik ikuallattumukartitsissimapput.
Kilisaatit allat ikuallattup eqqaaniittut ornigutipallassimapput, inuttalu qulit ikuallattumiit annaallugit, inuttallu ajunngitsut pillugit ilaqutaasut nalunaarfigineqarsimallutik.
Kilisaataatillit taamatut aamma nalunaarfigineqarsimapput.
Pigaartut pisortaata ilisimaitsissutigaa, kilisaat unnuap annersaani ikuallassimasoq, maannakkorpiarli taamaallaat pujuliortoq inniliorunnaarsimasorlu.
Tassannaannaq ikuallalersimavoq, ikuallanneranullu suna pissutaanersoq ilisimaneqanngilaq. Kommuni Qeqertalimmi upalungaarsimasut suli qamisaallutik sumiiffimmiipput.