Kilisaat nutaaq Sisimiunut
Sisimiormiup Hansêraq Enoksenip ukiunik 25-inngortorsiornini nutaamik kilisaatitaarluni nalliussissavaa.
Hansêraq Enoksen umiarsuaateqarfimmik Angunnguaq A/S-imik kilisaataatilittut namminersortutut aappaagu ukiunik 25-inngortorsiussaaq – tamannalu imaannaanngitsumik nalliussineqassaaq. Aviisi Sermitsiaq allappoq.
Enoksen kilisaammut raajarniummut nutaamut, Luna E-mut, aningaasaliissuteqaqqammerpoq, taannalu maanna Skagenimi Karstenstens Skibsværftimi amoqqavoq. Taamaalilluni Luna E pinngorfimminut uterpoq, tassami kilisaat raajarniut 35 meterinik takissusilik 9 meterinillu silissusilik 2006-imi Karstensens Skibsværftimi sananeqarsimavoq. Luna E manna tikillugu norskit erfalasuannik erfalasoqarluni Kongsøyimillu ateqarluni, Bergenimi angerlarsimaffeqarluni, angalasarsimavoq, ukiulli 15-it matuma siornatigut sananeqarnermi kingorna arlalinnik piginnittoqartarsimalluni.
Umiarsuaq sikusiornermut qajannaallisagaq
– Umiarsuatsialaavoq sikusiornermut qajannaallisarneqarsimasoq, nunap iluani raajarniarnitsinnut naleqqulluartoq, Hansêraq Enoksen Sermitsiamut oqaluttuarpoq.
Allaaserisaq tamaat uani Sermitsiami atuaruk:
