Kilisaat nutaaliaq atserneqarpoq
Kilisaatip atertaassaa Royal Greenlandimi atissarsiuussilluni unammisitsinerup kingorna toqqarneqarpoq
Royal Greenlandip kilisaataanut nutaamut atissarsiuussinermut aqqit katillugit 84-it siunnersuutigineqarput. Kilisaatip atertaaraa 'Avataq'.
Royal Greenlandip kilisaatitaassaasa aappaata 2019-ip naalernerani naammassineqartussatut pilersaarutaavoq. Kilisaatitaassaq Avataq tapertariissitsilluni raajarniutaallunilu qaleralinniutaasussaq 83 meterinik takissuseqarluni 18 meterinillu silissuseqarluni Royal Greenlandip kilisaataasa annersarilissavaat.
Tikkili Ezekiassen Attumi tunitsivimmi aqutsisuusoq unammisitsinermi ajugaasuuvoq.
Suleqatini ikiortigalugit siunnersuuteqarsimalluni Royal Greenlandip nittartagaanut oqarpoq.
Atissarsiuussilluni unammisitsinermi ajugaasup kilisaatip atserneqarnissaani najuunnissaq akissarsiarissavaa, tamannalu 2019-ip naalernerani imaluunniit 2020-ip aallartilaarnerani Nuummi pissaaq.