Kilisaammi ajunaartoqartoq
Kilisaammi Markusimi Qajaq Trawlimit pigineqartumi toqulluni ajunaartoqarpoq.
Kilisaammi Markusimi ajutoortoqarnerani inuttaq ajunaarpoq.
- Kilisaatitsinni nutaami alianartumik toqulluni ajunaartoqarsimasoq ullaaq maanna aliasulluta annilaaqqallutalu paasivarput, Qajaq Trawlimi pisortaaneq, Søren Brandt tusagassiuutinut nalunaarummi taama allappoq.
- Ajutoornerup qanoq pisimanera maanna suli ilisimaqqissaanngilarput, kisianni ingerlaannaq inuttanut ajornartorsiornermi saaffiginniffissamik aallartitsivugut. Eqqarsaatigut toqusup ilaqutaaniitippagut, taakku nalunaarfigineqareerput.
- Qajaq Trawlimi oqartussat attuumassuteqartut tamaasa suleqatigaagut, taamaalilluta qanoq pisoqarsimanera piaarnerpaamik paasiniassagatsigu, Søren Brandt naggasiivoq.