Kiliortuisoq qaammatit tamaasa 20.000 koruuninnattussanngorluni pinnattoq
Kangerlussuarmi inuk Danske Spilimit kiliortortakkanik kiliortuilluni qaammatini 20-ni qaammammut 20.000 koruuninnattartussanngorluni pinnappoq. Pinnatassaq tamakkerlugu 4000.000 koruuniuvoq.
Kangerlussuarmi Pilersuisumi kiliortugassamik pisisoq iluatsitsilluinnarsimavoq, Danske Spilimi attaveqatigiinnermik suliaqartoq, Mette Oxholm ilisimatitsivoq.
Kiliortugassamik pisisoq Quickimiit Guldbarren-imik pisisimavoq, qaammatinilu 20-ni qaammammut 20.000 koruuninik pissarsisalertussanngorluni pinnassimalluni. Pinnatassaq katillugu 400.000 koruuniusoq, qaammatinut 20-nut agguataarsimavoq.
Guldbarrenimi pinnatassat annerit sisamassaraat.
Pinnatassaq akileraarusersugaassanngilaq, akileraarut Danske Spilimit ilisimatitsissutigineqarpoq.
Aningaasanoornermik ajornartorsiuteqaruit, siunnersortinnissaq aqqutissiuunneqarnissarlu pillugu najugarni Allorfik ornissinnaavat.
Allorfik ulluinnarni nal. 9-15:00 oqarasuaammi 525343 attavigineqarsinnaavoq.