Skip to main content

Kikkut kuultisiorsinnaanerannik misilittakkat aalajangiisuusinnaapput

Uunartup Kangerluata eqqaani annikitsumik aatsitassarsiornissamut akuersissutit agguaanneqalerpata, inuit teknikkikkut piginnaasallit salliutinneqassapput.

Kujataani Uunartup Kangerluata eqqaani sumiiffinni marlunni annikitsumik aatsitassarsiornissamut qinnuteqarnissamut maanna periarfissaqalerpoq.

Agguaanneqartussat sinnerlugit qinnuteqartoqassappat, tamatuminnga misilittagaqarneq kikkut akuersissutinik pissarsinissaannut aalajangiisuussapput.

Qinnuteqaatit imminnut unammisillugit nalilersorneqarumaartut, Aatsitassanut Aqutsisoqarfik Sermitsiaq.AG-mut ilisimatitsivoq. Piumasaqaatinilu teknikkikkut piginnaasaqarneq pingaarnerpaatinneqassaaq.

Atuaruk: Kujataani kuultinik ujaasigit

Annerpaamik akuersissutit 20-t
Sumiiffiit marluk annikitsumik aatsitassarsiornissamut inniminnerneqartut tamarmik immikkut 10 kvadratkilometerisut annertussuseqartut pineqarput. Taakku kuultisiorfissaanerusutut Aatsitassanut Aqutsisoqarfimmit nalilerneqarput.

Qinnuteqarfigineqarsinnaasut tassaanerupput kisermaassilluni akuersissutit, tassa imaappoq akuersissuteqarfigisat allanit qinnuteqarfigisinnaanatik.

Annikitsumik aatsitassarsiornissamut akuersissut taamaattoq 1 kvadratkilometerisut angissuseqarpoq. Tassa imaappoq sumiiffinni taakkunani marlunni akuersissutinut 20-nut inissaqarpoq. Taakku amerlassusissaat sumiiffiit imminnut qanoq ungasitsigalutik inissisimanerat apeqqutaassaaq.

Atuaruk: Kuultisiortut qinnuteqaammik massakkut nassiussissasut

Atortut tigummiarneqarsinnaasut kisimik
Annikitsumik aatsitassarsiorsinnaanermut akuersissut ukiuni pingasuni atuuttarpoq. Kuultimillu nassaarsimagaanni sivitsorneqarnissaanut periarfissaqarpoq.

Kisermaassilluni akuersissuteqaraanni atortut sakkullu tigummiarneqarsinnaasut atorneqartussaapput.

Annikitsumik misissuinermut piianermullu akuersissutit pillugit sullissivik.gl-mi paasissutissat atuarneqarsinnaapput.

Uunartup Kangerluata eqqaani sumiiffinnut qinnuteqarnissamut septembarip 15-iat killigitinneqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER