Kiisami: Kulturikkut sulialinnut aningaasat millionilikkaat

3,5 millionit koruunit kulturikkut sulianut assigiinngitsunut agguaanneqarnissaminnut utaqqipput.

2018-imut Aninigaasanut Inatsimmi 3,5 millionit koruuninik immikkoortitsisoqarnikuuvoq. Kisianni apriilimi Inatsisartunut qinersineq pissutigalugu aningaasat suli agguaanneqanngillat.

Uku pissarsisinnaapput

Ukiup nutaap aallartinnginnerani aningaasat ima agguaanneqassapput:

  • 1 mio. koruunit isiginnaartitsinermik suliaqartunut ataa-siakkaanut suleqatigiinnulluunniit aningaasaliissutit
  • 1 mio. koruunit nunanut allanut unammisartunut
  • 1 mio. koruunit timersoqatigiiffiit nipilersortartunik tiki-sitsisarnissaanut
  • 500.000 koruuninik atuakkiortunut.

Tapiliussatut aningaasaliissutit

- Aningaasat pineqartut 2018-ip aallartinnerani immikkut aningaasaliissuteqarto-qarneratigut aningaasaliissutigineqartussanngorlugit qinnutigineqarnissaat naatsorsuutigineqarsimagaluarpoq, aningaasallu pineqartut Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfimmut tunniunneqarnissaat qinnutigineqartussaagaluarluni, taama nassuiaasoqartoq, unalu ilanngunneqarpoq.

- Taamanikkut Naalakkersuisuusut qinnuteqaammik Aningaasaqarnermut Akileraartarnermullu Ataatsimiititaliamut februaarimi nassiussisimavoq, ataatsimiititalialli suliaq qinersisoqartussanngornera pissutigalugu unitsissimavaa.

Aningaasaqarnermut Ataatsimiititaliap ataatsimiinnera taamaatinneqartoq

Tapiliussatut aningaasaliissutit oqaluuserineqarnissaat aningaasaqarnermut ataatsimiititaliap septembarip 27-anni pisussaagaluarpoq. Kisianni naalakkersuisoqatigiinnermut isumaqatiginninniarnerit pissutigalugit ataatsimiinneq taamaatinneqarpoq. Taamaatitsineq assut isornartorsiorneqarpoq.

Powered by Labrador CMS