Skip to main content

Kiisami: Blok 1 ingutserneqarpoq

Blok 1 Nuuk Centerip eqqaaniittoq ukiuni arlalinni inoqanngilaq. Inissiaqarfiup ingutserneqarneranik sulineq ullumi aallartippoq.

Nuuk Centerip allilerneqarneranut atatillugu ingutserisartut Kingo A/S-ip Blok ingutserlugu aallartippaa. Kisianni inissiaqarfiup ingutserneqarnerata Nuummi innuttaasunit takuneqarsinnaalernissaanut piffissaq sivisooq ingerlaqqaassaaq.

Tassami aallaqqaammut blokkimi atortut ikuallassinnaasut, ledningit aamma eqqagassat avatangiisinut ulorianaatillit piiarneqaqqaassapput.

- Isaterinerup suliarineqarnerani eqqaamiuusunut Nuuk Centerimilu pisinianut sapinngisamik akornutaavallaannginnissaa sulissutigissavarput, Nuuk City Developmentimi (NCD) pisortaaneq Jens B Frederiksen oqarpoq.

Borgmesteri nuannaartoq

Inissiap kusananngitsup maanna oqaluttuaannanngungajalernera, borgmesterip Charlotte Ludvigsenip nuannaarutigaa.

- Blok 1 sivisuumik inoqarnani uninnganikuummat, isaterneqalernera nuannaarutigaara, taamaasilluni illoqarfiup qeqqani kusassaataasussamik nutaamik sanaartorfiusinnaanngussammat, borgmesteri Charlotte Ludvigseni oqarpoq.

Inissiaqarfimmik piginnittuussuseq Namminersorlutik Oqartussaniik Kommuneqarfik Sermersuumut tunniunneqarnikuuvoq, NCD aamma Orbicon suliniummi sanaartornermik siunnersuisutut toqqarsimavaat.

Sulinerup oktobarimi naammassineqarnissaa naatsorsuutigineqarpoq, sumiiffiullu atorneqaqqilernissaanik novembarip aallaqqaataani pissaaq.

Aasaanerani atuanngiffeqarnerup nalaani aaqqissuussinerit: Pattagissami klaverimi imaluunniit mixerpultimi nipimik nuannersuliorneq ilinniaruk
Aasaannaqaaq, taamaattumillu sunngiffeqarnissamut piffissaqarnerulissallutit. Taavami sulerissavit? Kommuneqarfik Sermersooq tamanut assigiinngitsorpassuarnik aaqqissuussisussaavoq. Allaaserisami...
Aasaanerani atuanngiffeqarnerup nalaani aaqqissuussinerit: Nuup aqquserngini telefoni atorlugu misigisassarsiorit imaluunniit angallassisulerlutit qaqqanut pisuttuarit
Aasaannaqaaq, taamaattumillu sunngiffeqarnissamut piffissaqarnerulissallutit. Taavami sulerissavit? Kommuneqarfik Sermersooq assigiinngitsorpassuarnik aaqqissuussisussaavoq. Una allaaserisaq ilinnut...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER