Skip to main content

Kiisami: Biilernermut ilinniut ullutsinnut naleqquttoq suliarineqarpoq

Kalaallit biilernermut ilinniutaannut pisoqalisumut taartissaq maanna suliarineqaleruttorpoq.

Maani nunatsinni kørekortitaarniaraanni maanna ikiortissaaleqinarpoq. Maanna atuagaq biilernermut ilinniut atorneqartoq pisoqaavallaalersimavoq – pissarsiassaavallaaranilu.

Atuagaq 1994-imeerpoq, aamma Kalaallit Nunaanni angallannermut inatsit allanngornikuuvoq. Ilaatigut mobilimi oqalulluni biilertoqaqqusaajunnaarnikuuvoq, aamma qiteqummik atuinermut malittarisassat allanngornikuullutik.

Maanna ikiortissaqalilerpoq. Tamanna Danmarkimi angallanermut ministerip Ole Birk Olesenip (LA) Aaja Chemnitz Larsenip (IA) apeqqummi akissutaani atuarneqarsinnaavoq.

Digitalinngortinneqassasoq

Danmarkimi angallannermut aqutsisoqarfiup biilernermut ilinniut digitalinngorlugu aamma nutarterlugu suliarileruttorpaa, kalaallisut qallunaatullu pissarsiassaassaaq.

- Angallannermut Aqutsisoqarfik isumaqatigiissuteqarfigineqarpoq, maanna atuagaq biilernermut ilinniutaasoq aallaqqaammut digitalinngortinneqarluni aqutsisoqarfiup nittartagaani saqqummersinneqassasoq. Digitalinngortinneqarsimasoq maanna biilernermut ilinniutaasoq kalaallisuunngorlugu nutserneqaqqammerpoq, nutserneqarneralu maanna kalaallit politiivinit ikiorserneqarnikkut pitsaassusaata qulakkeerneqarnissaa suliarineqarpoq. Tamatuma kingorna atuagaq maanna biilernermut ilinniutaasoq Angallannermut Aqutsisoqarfiup nittartagaani atuarneqarsinnaalissaaq, Ole Birk Olesen (LA) oqarpoq.

Upernaap ingerlanerani atuagaq nutaaq

Suliaq taanna naammassippat taamaalilluni kikkut tamarmik atuakkamik biilernermut ilinniummik pissarsisinnaalissapput.

- Tamatuma kingorna atuagaq digitalinngortinneqarsimasoq nutarterneqassaaq, taamaalilluni kalaallit angallannermut inatsisaannut maanna atuuttunut naapertuutilissalluni. Atuagaq biilernermut ilinniut nutartigaq 2019-imi upernaakkut piareerluni Angallannermut Aqutsisoqarfiup nittartagaani saqqummiunneqarsinnaanissaa naatsorsuutigaara.

Tamatuma kingorna inatsisit allanngorneri naapertorlugit nutarterneqarsinnaanissaanut digitaliunera iluaqutaassaaq.

Aaja Chemnitz Larsenip (IA) siullermeerluni aggustimi ajornartorsiut  angallannermut ministerimut apeqquteqaatiginerata kingorna aaqqiissuteqartoqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER