Skip to main content

Kiisami suliassat katersuutiinnalersimasut aaqqiivigineqalerput

Eqqartuussivimmi suliassat uninngatinneqartarnerat sivikillissaaq

Folketingimi ilaasortaq Doris Jakobsen Siumumeersoq nuannaarutissaqarpoq. 

Inatsisissamut siunnersuut suliassat eqqartuussivinni suliarineqarnissaannut 
utaqqisarnernik sivikilliliisussaq Folketingimi siullermeerluni marlunngormat oqaluuserineqarpoq.

Suliassarpassuit katersuutiinnalersimasut kinguaattoornerujussuarmik kinguneqarsimapput, ukiullu pingasut ingerlanerini immikkullu iliuuseqarnikkut utaqqisarnerit sivikillisarneqassapput. 

- Allat suleqataalluartut peqatigalugit suliassat katersuutiinnalersimasut ajornartorsiutaanerisa aaqqiivigineqarnissaat ulapputiginikuuvara. Ministerit nikerartut arlallit apeqqut pillugu ataatsimeeqatigisarsimavakka, soorlu aamma ajornatorsiutip aaqqiivigineqartariaqarnera Folketingip oqaluttarfianiit oqaatigisarsimagiga. Taamaammat aaqqiissutissatut ullumi saqqummiunneqartut tulluusimaarutigalugillu nuannaarutigaakka, Doris Jakobsen allappoq.

- Inuiaqatigiinni inatsitigut inunnik illersuinermik tunngaveqartuni taama sivisutigisumik eqqartuussivinni suliassanik utaqqiffiusarnerat tulluanngilaq,- pinerluttoqarsimatillugu imaluunniit suliassat naliginnaasumik eqqartuussivinni suliarineqartarneri eqqarsaatigalugit. Ullumikkut utaqqisarnerujussuit inuit inuuneri ukiorpassuarni unittoortittarpaat, - unnerluutigineqarsimagunik, kiisalu illunik niuernermi imaluunniit 
aningaasanik niuernermi utaqqikatattoqalersarpoq, soorlu aningaaseriviit aningaasaliisartullu allat pigisat nalinginik aalajangiiniarnermi utaqqerujussuartarnernerat pissutigalugu.

Misilittagaqarluartut suliartorsinnaalersut
Danskit unnerluussisut eqqartuussisullu misilittagaqarlutartut suliat sukkanerusumik suliarineqarnissaat anguniarlugu Kalaallit Nunaannut suliartorsinnaanngorput. 

- Inuit pisinnaatitaaffii naapertorlugit illersuisut eqqartuussisullu ilinniarsimassutsimikkut naligiinnissaat pingaaruteqarpoq. Maannakkut unnerluussisut sungiussilluarsimasut immikkut aaqqiiniartoqarnerani Kalaallit Nunaanni sulisinnialerpavut, taamaattumik pingaaruteqarpoq kalaallit illersuisuusussat, - unnerluussisut piginnaaneqarnerattulli piginnaaneqartut toqqarnetarnissaat. Taamaanngippat Inuit inatsisitigut illersugaanerat akornuserneqarsinnaammat.

Inatsiseqarnikkut nunatsinni suliassarpassuit sukkanerusumik sulisoqalernissaanik sulissuteqartoqarnera Folketingimi ilaasortamit Sara Olsvigimit IA-meersumit nersualaarneqareerpoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER