Kiisami assammik arsaqqinneq

Assammik arsarnermi Jule Cup Nuummiittumi Inussivimmi ulluni makkunani ingerlanneqarpoq, assammillu arsartartut corona killilersuigaluartoq aamma pisortatigoortumik unammiuaartarnerit sivisuumik uninngatinneqaraluartut assammik arsaqqilernertik nuannaarutigaat.

GSS håndbold GSS håndbold GSS håndbold GSS håndbold GSS håndbold GSS håndbold GSS håndbold

Assammik arsarnermik Jule Cup ileqquusoq malillugu 2020-mi decembarip 26-ani, 27-ani, 28-ani 29-anilu Inussivimmi ingerlanneqarpoq. Unammisartut qangali aamma unammiuaarsimapput. GSS-ip NÛK-llu arnartai angutitaalu kingullermik februaarip qulingiluaani illoqarfimmi unammiuaarput.

GSS-ip NÛK-llu arnatasa unammineranni siullermi GSS ajugaasoralugu 30-18-inik isertitaqartoqarpoq. Unammiuaarnerup affaani siullermi 15-10-nik isertitaqartoqarsimalluni.

- Arnat unamminissaminnut qilanaarlutillu pissangasimapput. Covid 19 pissutigalugu qaammatini qulini unammisoqarsimannginnera unamminerup siulliup aallartinnerani takuneqarsinnaasimavoq, GSS-it arnartaannut sungiusaasoq unammineq pillugu oqarpoq.

NÛK-p arnartaasa sungiusaasuanit taanna taperserneqarpoq.

- Isumaqarpunga malugineqarsinnaasoq coroan pissutigalugu piffissami sivisuumi pisortatigoortumik unammisoqarsimanngittoq. Isumaqarpungalu unamminerup affaani siullermi GSS-imut malinnaasimalluta, naligiimmimmi ingerlasimavugut. Unamminerulli affaani kingullermi taakku siuarput, uagut qasullutalu unammisartut ilaat juullisioriarsimasut amigaatigingatsigit. Assulli nuannerpoq pisortatigoortumik unammeqissinnaangorluni, neriuutigaarput isiginnaartoqarluta unammisaleqqissinnaanerput.

Danmarkimi ilinniagaqartut peqataanngitsut

Aaqqissuussisunit ilisimatitsissutigineqarpoq, Brugseni Jule Cup 2020 COVID-19-ip killilersuititsinerani ingerlanneqartoq, tassani Kommuneqarfik Sermersuumi unammisartut aqutsisullu aamma sungiusaasut peqataasinnaallutik.

Pisarnermit allaanerusoq tassaavoq, unammisartut juullisioriarlutik Nuummiittut pisarnermisut pqataasinnaannginnerat.

- Coronamut atatillugu killilersuinerit pissutigalugit QNA (Danmarkimi/nunani allani ilinniagaqartut) Jule Cupimut peqataasinnaasimanngilaq, akerlianik illoqarfimmi unammisartutut Jule Cupimut peqataatinneqarput, taakku GSS-ip NÛK-llu arnartaannut angutitaannullu unammillertussaapput, aaqqissuisunit oqaatigineqarpoq.

Inussivimmi inuit amerlanerpaamik 100-t isersimasinnaatiaammata unammiuaarnerit isiginnaartoqarani ingerlannqarput, GSS håndboldilli Facebookiatigut toqqaannartumik aallakaatinneqarlutik.

Assammik arsarnermik ilinniarfik iluatsitsiffiulluartoq

Coronap ajornartorsiortitsinerata malitsigisaanik killilersuinerit pissutigalugit unammiuaarnissarpassuit taamaatiinnarneqarsimapput.

Matumani pineqarput GM-2020, Ittu.Net Cup aamma Illoqarfimmi unammiuaarnissat.

GSS aaqqissuisutut meeqqat assammik arsarnermik novembarip qaammataani ilinniartissimavaat, ilinniartisinermut 100-t angullugit peqataasoqarsimanera iluatsitsilluarfiusimavoq. Aaqqissuisut taamaammat aalajangersimapput, Brugseni Cup 2020 isiginnaartoqanngitsumik ingerlanneqassasoq aamma Kommuneqarfik Sermersuumi najugallit kisimik peqataassasut.

Unamminissaq tulleq sapaatiuppat decembarip 27-ani Inussivimmi nal. marlunut ingerlanneqassaaq, GSS håndboldillu facebookiatigut toqqaannartumik aallakaatinneqassalluni.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS