Kiinarpalerluni ujajaasoq pisuussuteqanngitsumut persuttaasimasoq
Kiinarpalerluni ujajaasoq sapaatiummat unnuakkut Nuup qeqqani inummik nalaatsornerinnakkut naapitaminik persuttaasimasoq suli tigusarineqanngilaq.
Politiit Sermitsiaq.AG-mut ilisimatitsissutigaat, kiinarpalerluni ujajaasimasoq angummik pisuussuteqanngitsumik persuttaasimasoq, angulli persuttagaasimasoq ajorpallaanngitsoq.
- Angut unitsinneqanngilaq. Pisimasoq pimoorulluinnarlugu tiguarput, persuttaaneq ujajaasoqarnerani persuttaasoqarmat, oplyser politiassistenti Hans Falck-Petersen, politii assigiinngitsunik tipisiugassaqarnerarlugit ilisimatitsivoq. Takunnissimasinnaasunit politiit suli saaffigineqarsimanngillat.
Misissuisoqarnera pissutigalugu persuttarneqartoq sunik tilliffigitissimanersoq politiit paasissutissiissutigerusunngilaat.
Takunnissimasinnaasunik pissarsiorneq
Nuummi Politiit, sapaammi decembarip aallaqqaataani unnuakkut nalunaaqutaq pingasut missaanni, Nussuarmi Pisiffiup Narsaviallu akornanni pisumut takunnissimasinnaasunik ujaasipput.
Persuttaasimasoq imatut isikkoqarpoq:
Angut
170 cm-it missaannik angissusilik
Qernertumik nasalik, qernertumik kiinarpalik, jakkia qernertoq, qarlii qasersut skuuilu Salomon tungujortumik/qasersumik qalipaatitallit.
Inuit takunnissimasut tusagaqarsimasulluunniit Nuummi Politiinut oqarasuaat 70 14 48 atorlugu saaffiginneqquneqarput.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...