Kiinarpalerluni angerlarsimaffimmi ujajaaniaraluartoq politiinit ujaarineqarpoq
Sisimiuni angerlarsimaffimmi ujajaariaraluartoqarneranut tunngatillugu politiit takunnissimasinnaasunik ujaasipput
Arfininngorneq 9. februaari 2019 nalunaaqutaq 15.30-ip missaani Sisimiuni angerlarsimaffimmi
ujajaariartoqarsimaneranik nalunaartoqarpoq inissiani Kussangasoq 16-imi tungujortoq qaamasuni.
Ujajaaniaraluartoq angerlarsimaffimmut susassaqarfiginngisaminut isersimavoq sioorasaaraluni ujajaariaraluarsimalluni.
- Innuttaasut ikiortiseraagut, arlaannik qulaani pineqartumut tunngatillugu takusaqartoqarsimappat
tusagaqartoqarsimappat ilisarsisoqarsimappalluunniit politiit pigaartunut nalunaaruteqalaaqqullugit
oqarasuaat 701448-mut, politiit allapput.
Angut ima isikkulik ujaarineqarpoq:
Angut kalaallisut oqaluttoq, ukiui missingersorneqanngillat, timaa nalinginnaasutut isikkulik, angissusaa ca. 170 cm, qaqortumik maske-lik qarngata nalaagut qungujuttutut isikkulik, isaata nalaagut putuaralik, qaatiguua ukiorsiut nasartalik meqqilik Peak Performance sakiaata saamiatigut allaqqasoq qaqortumik allannilimmik, aaqqatai nuersakkat qernertut, qarlii tungujortut taartut meqqillit Adidas, niuisa sinaasigut titarneri taartut, skuui qaqortut oqunngitsut,