Skip to main content

Kigutit nakorsaat sulinissamut akuersissutaateqanngitsoq

Suliamik misissugaqarpunga, nunatta nakorsaanera uppernarsaavoq: Nuummi kigutilerisarfik sulisoqarpoq kigutit nakorsaattut sulinissamut akuersissutaateqanngitsumik-

Nuummi kigutit nakorsaat Niels Nygaard ApS. ukiuni 13-ini kigutit nakorsaattut atorfimmi sulisoqarsimavoq, naak pineqartoq akuersissummik inatsisitigut pisussaaffiusumik pissarsinngisaannarsimagaluartoq. Taanna Aarhusimi Tandlægehøjskolimi soraarummeersimavoq, Danmarkimi ukiualunni atorfeqarsimalluni Nuummilu 2006-imiilli atorfeqarsimalluni.

Aviisi AG allappoq.

- Suliamik misissuinera uppernarsarsinnaavara, nunatta nakorsaanera Henrik L. Hansen oqarpoq. Suliat inunnut ataasiakkaanut tunngasut oqaaseqarfigerusunngilai, tunngaviusorli pillugu ima oqarluni:

Pisussaaffeqarneq

- Peqqinnissakkut suliassani sulisumik atorfinitsitsisoq pineqartup akuersissutaateqarneranik misissuinissamut pisussaaffeqarpoq.

Nakorsanut, kigutit nakorsaannut, peqqissaasunut peqqinnissaqarfimmilu suliaqaqatigiiaanut allanut avaqqunneqarsinnaanngitsumik piumasaqaataavoq taakkua akuersissutaateqarnissaat. Akuersissutaateqanngikkunik suliffimmut taaguutinik atueqqusaanngillat, assersuutigalugu ”kigutit nakorsaat”, taamatullu aamma suleqqusaanatik. Inatsisinit piumasarineqarpoq, Kalaallit Nunaanni kigutit nakorsaasa Danmarkimi akuersissutinut nalunaarsuiffimmi napparsimasut isumannaatsuunissaannut aqutsisoqarfimmit Styrelsen for Patientsikkerhedimit allaffissornikkut aqutarineqartumi nalunaarsorneqarsimanissaat. Nalunaarsuiffik tamanut ammasuuvoq, taamaammallu kikkunnit tamanit ujaasivigineqarsinnaalluni peqqinnissaqarfimmi sulisunut akuersissuteqarnermut tunngasut takuniarlugit.

Ilanngutassiaq tamaat AG-mi atuaruk – ugguuna iserfigisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER