Kigutilerisoq saassussisumik unititsisimanermigut nersorneqartoq

Jason Nystrup pisumi iliuuseqarsimanngitsuuguni ajornerusumik pisoqarsimasinnaagaluarnera pissutaalluni politiinit nersorneqarpoq

Kigutilerisoq Jason Nystrup panini ilagalugu Nuussuarmi Natalies Brugsenimut pisiniarpoq ualikkut kingusissukkut decembarip 28-ani.

Pisiniarfimmi paarsisoq angummit saassunneqartoq iserami takuaa.

- Pisoq sukkasoorujussuuvoq, ikinngutiga takugakku paniga taassunga tunniuppara saassussisorlu unitsikkiartorlugu, Jason Nystrup Sermitsiaq.AG-mut oqarpoq.

Unammilluni timersortartoq

MMA-mik aamma brasiliansk jiu jitsumik sungiusaasartuuvoq, sapaatip akunneranut marloriarluni pingasoriarluniluunniit sungiusartarluni.

- Pisiniarfimmi paarsisup pisoq aqussinnaarpasinngimmagu ilanngippunga. Sungiusarnerni periuutsit sungiusartakkagut atorlugit saassussisoq unitsippara, pisumi ersinanga iliuuseqarnera tupaallaatigilaarpara, oqaluttuarpoq.

Jason Nystrupip angut saassussisoq natermut uppiseriarlugu aaliangersimavaa politiillu takkunnissaata tungaanut aammalu isumannaattumik iperarneqarnissaata tungaanut paaralugu.

Amerlanerusut iliuuseqartalertariaqartut

Taassuma immikkut iliuuseqarnera tunuliaqutigalugu politiinit nersorneqarpoq ippassaq sisamanngormat.

- Taamatut iliuuseqarsimaninnut nersualaarneqarnera assut nuannaraara. Taamaattumik neriuutigaara inuit amerlanerusut taamatut pisoqariataartillugu iliuuseqartalernissaat kissaatigiinnarsinnaavara, tassanimi pisumi inuit iliuuseqanngitsut takuakka, tamannalu tupaallannarpoq, oqarpoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS