Skip to main content

Kiffartuussinissamut isumaqatigiissutissat pillugit suli nutaarsiassaqanngitsoq

Ilaasunik angallassisarnermi kiffartuussinissamut isumaqatigiissutissaq nutaaq qaqugu saqqummiunneqassanersoq Naalakkersuisut suli oqaatigisinnaanngilaat.

Sermitsiaq.AG-mit sapaatip akunnerani matumani siusinnerusukkut oqaluttuarineqarpoq, ukiortaareernerani angallassinissamut tunngassuteqartunut atatillugu paatinneqarsinnaginneq Qasigiannguani takornariartitsisartumut ajoqusiissasoq.

Tassunga atatillugu Attaveqaatinut Naalakkersuisoq Karl Frederik Danielsen (S) aperisimavarput, ilaasunik angallassinissamut atatillugu kiffartuussinissamut isumaqatigiissutissaq, najugaqarfippassuarni angallannermut pingaaruteqarluinnartoq qaqugu naammassineqassanersoq.

Naalakkersuisulli naalakkersuisoqarfiulluunniit maannakkorpiaq tamanna akissuteqarfigisinnaanngilaa Ineqarnermut Attaveqaatinullu Naalakkersuisoqarfik allakkatigut akissuteqarluni allappoq.

- Naalakkersuisut imaluunniit Ineqarnermut Attaveqaatinullu Naalakkersuisoqarfiup apeqqutigineqartoq ajoraluartumik maannakkorpiaq akissuteqarifgisinnaanngilaat. Kiffartuussinissamulli isumaqatigiissutissat naammassiniarlugit tamaviaarluni sulisoqarpoq, naalakkersuisoqarfik Sermitsiaq.AG-mut allappoq.

Takornariartitsisartoq pakatsisimasoq

Naalakkersuisoqarfimmit neriorsuutigineqarpoq, suliaq naammassineqariarpat nalunaaruteqartoqassasoq.

Ilaasunik angallassisarnermut tunngatillugu kiffartuussinissamut isumaqatigiissutit maanna atuuttut ukiortaami atorunnaassapput. Qasigiannguanilu takornariartitsisartup Frank Larsenip taamatut inissisimasoqarnera pakatsissutigisimavaa, takornariartitarisinnaasanimi ukiortaareerpat qanoq ilillutik Qasigiannguanut anngussinnaanersut oqaluttuussinnaannginnamigit:

- Qimussiussisarnissatsinnut aaqqissuussisinnaannginnerput uagutsinnut annertuumik tatisivoq, Frank Larsen til Sermitsiaq.AG-mut oqarsimavoq.

Akissutisisimannginneq

Takornariartitsisartup aamma eqqaasitsissutigaa, Naalakkersuisut namminneq takornariartitsisarnermut periusissianni allassimasoq, kiffartuussinissamut isumaqatigiissutissat takornariartitsisartut eqqarsaatigalugit piffissaagallartillugu isumaqatigiissutigineqartassasut.

Frank Larsen isumaqarpoq, anguniagaq tamanna Naalakkersuisunit malinneqanngitsoq, taamalu takornariartitsisartunik sumiginnaanerusoq.

Sermitsiaq.AG-mit aamma taamatut isornartorsiuisoqarneranut naalakkersuisoq qanoq oqaasissaqarnersoq apeqqutigineqarsimavoq, Karl Frederik Danielsenilli tamanna aamma akissuteqarfiginngilaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER