Aningaasanut inatsit
Kiffartuussinermut isumaqatigiissutit siornarnit akisunerulertut
Namminersorlutik Oqartussat kiffartuussinermut isumaqatigiissutit nutaat sipaarfiginiaraluarpaat. Taarsiullugu siornarnit akisuneruliinnarput
Upernaaq aningaasaqarnermut akileraartarnermullu ataatsimiititaliaq ersarissumik oqariartuuteqarpoq: Angallannermi kiffartuussinermut isumaqatigiissutit nutaat sipaarfiussapput. Isumaqatigiissutit amerlanerpaamik 121 millionit koruuninik akeqassapput.
Atuaruk: Kiffartuussinermut isumaqatigiissummut 22 millionit saniatigut aningaasaliissutaasut
10 millioninik akisunerusoq
Kisianni maanna saniatigut 22 millionit koruuninik aningaasaliisoqarpoq, taamaalilluni akiligassat 143 millionit koruuninngorput. Tamanna uissuumminartuuvoq, kiffartuussinermut isumaqatigiissutit siuliinit akisunerunera pissutigalugu.
Ukioq manna 132 millionit koruuninik akeqarpoq, ukiullu siuliani 137 millionit koruuninik akeqarluni. Ukiut taakku sioqqullugit upernaaq qummut killigitinneqartup missaani akeqarsimalluni.
Atuaruk: Kiffartuussinermut isumaqatigiissutini pitsanngoriaatit sisamat
Allatut inerneqarsinnaagaluartoq
Tamanna uissuumminartuuneranut ilaatigut pissutaavoq, sipaarutissat naatsorsuutigineqartut pinngitsoormata.
Ilaatigullu suliarinnittussarsiornerup nalaani killigititat 121 millionit koruuninut taarsiullugu 143 millionit koruuniusimasuuppata allatut inerneqarsimasinnaagaluarpoq.