Kiffartussinermik ingerlatseqatigiiffik allisaasoq

Ingerlatseqatigiiffik Greenland Facility Servicesip Qaqortoq Vagtservice ApS pisiaraa, ingerlatseqatigiiffiup suliaasalu tigunissaat oktobarip aallaqqaataani pissalluni.

Ingerlatseqatigiiffik tusagassiuutinut nalunaarummi allappoq.

ArKalo Andersenip 2001-miilli Qaqortoq Vagtservice pigaa, ukiunilu kingullerni ingerlatseqatigiiffik ernini Aputsiaq Andersen peqatigalugu ingerlallugu.

Greenland Facility Servicesimi pisortaq Ole Bøgh Ulriksen oqaluttuarpoq pisinerup inissinnera nuannaarutigigini, Kujataanilu sullitat 100-nik ilasut nakkutiginissaasa kiffartuunnissaasalu qulakkeernissaa qilanaaralugu.

– Pisineq allilerinissamik periusissiatsinnut suliffeqarfimmi kissaatigisatsinnut tulluarpoq, Ole Bøgh Ulriksen oqarpoq.

Qaqortumi Vagtservicep nakkutilliisoqarfik GFS-i assigulluinnarpaa, taamaammat ikaarsaariarnermi atuisut malugisaqarnaviaratik.

- Nakkutilliisoqarfimmi inunnik allanik nakkutilliineq ingerlanneqassaaq, kisianni Kujataani nakkutilliisut GFS-imi sulisorineqalissapput. Taamaakkaluartoq suliffeqarfiup tiguniarnerani atuisut tamatuminnga ilisimatissavagut, tamaammaat septemberip naalernerani Qaqortumiissaagut, tusagassiuutinut nalunaarummi allassimasoqarpoq.

Tullertut Greenland Facility Servicep teknikerii Qaqortumi Kujataanilu illoqarfinni allani atortut massakkut pigisatik eqqartornissaannut neqeroorfigissavaat.