Periarfissat nutaat
Kiffaanngissutsimut aqqusineq
Sisimiut Kangerlussuullu akornanni pisuinnarnut aqqusineq takornariat amerlinerannik taamaallaat kinguneqarnavianngilaq. Aammali aningaasaleerusussinnaasut pisuinnaat aqqutaata illoqarfiup nunaqarfiullu akornanni aqqusinivimmik pilersitsinissamut periarfissaqarneranik takunnissinnaatilissavai.
- Sisimiut Kangerlussuullu akornanni aqqusineq 150 km-inik isorartussuseqartus- saq ukiuni 50-ini maanna oqaluuseraarput. Pisuinnarnut aqqusinermik pilersitsinitsigut aningaasaleerusussinnaasunut tamaani takornariartitsinermut sunik periarfissaqarnersoq takutissinnaavarput. Taamaalilluni pisuinnarnut aqqusineq ujaraaqqanik qallikkamik aqqusinermik pilersitsinissamut aallarniutaassaaq. Tamatuma peqatigisaanik pisuinnarnut aqqusineqalerneratigut aqqusernup suut atorlugit pitsaanerpaamik suliarineqarsinnaanissaanik pingaarutlinnik paasisanik katersissaagut, Qeqqata Kommuniani pisortaanerup tullia Laust Løgstrup oqarpoq, taassuma suliniutigineqartoq ukiuni arlalinni suleqataaffigisimavaa.
Atuaruk: ATV-nut aqqut iluaqutaalluarsinnaavoq
Aningaasartuutikinneruneq
Laust Løgstrupip oqaatigaa Kalaallit Nunaanni takornariartitsinermik suliaqartut kisimik aqqusernup pilersinneqarnissaa ilungersuutiginngikkaat. Nunanimi allamiut takornariartitsisartut nunap ilaa tamanna periarfissaqarluartutut isigaat.
– Takornariartitsisartut angallassinermut aningaasartuutitik killilersimaarsinnaassavaat tamatumalu peqatigisaanik nunap ilaa annertunerusoq periarfissarilissallugu. Kalaallit Nunaanni illoqarfimmiit illoqarfimmut timmisartumik umiarsuarmilluunniit angalaneq akisuvoq. Aqquserniornikkut pitsaanerusumik akikinnerusumillu ataqatigiissitsisoqalissaaq.
Atuaruk: Sisimiuniit Kangerlussuarmut aqqut Siumup tapersersorpaa
Avatangiisinut sunniutinik naliliinermut nalunaarusiap inaarsarnissaa Rambøllimut suliaritinneqarpoq taannalu Namminersorlutik Oqartussani suliarineqarluni naammassineqangajalerluni.
Tamatuma peqatigisaanik pisuinnarnut aqqusiniliassap 15 millionit koruuneqarnissaa aamma sisorariartarfimmut Solbakkenimut aqqusinissap 6 millionit koruuneqarnissaa aalajangiusimaneqarnersoq Qeqqata Kommuniani suli misissorneqarpoq.
Atuaruk: 150 kilometerinik isorartutigisumik aqqusinniornissamik sinnattoq aallartisarneqalertoq
Allaaserisaq Sermitsiami tamakkerlugu atuaruk. Aviisi uani pisiariuk: