kommuninut qinersineq 2017

Kielsinip Siumumi ilaasortat marluk oqaappai

Qaasuitsoq Kujallermi Siumup gruppiani akerleriittuarsinnarput, tamanna pissutigalugu partiip siulittaasua Kim Kielsen qisuariaateqarpoq.

Siumumi ilaasortat marluk partiimut tamakkiisumik tapersersuinissaannik, Kim Kielsnip piumasaqarfigai.

Ataasinngormat Enok Sandgreenip Nikolaj Jerimiassenillu parteeqatitik tamakkiisumik tapersersorniarnangit, Sermitsiaq.AG-mut paasissutissiaraat. Taakku suliat suuneri aallaavigalugit suleriaaseqarniarlutik paasissutissiaraat, oqaatigivaallu partiip iluani isumaqatigiinngikkaluarlutik partiimit tunuarniuteqassamaaratik.

Ilaasortaaqataasa tallimat isumaqatigiunnaaraat

Siumut Atassutillu politikkikkut amerlanerussuteqalernermik isumaqatigiissutigingaluat, kommuninut qinersereernerup kinguninngua parteeqataasa tallimaasut isumaqataajunnaarsimanerannik patsiseqarpoq. Isumaqatigiissut nalunaaquttap akunneri arlaqanngitsuinnarni atuuppoq taamaasillunilu Enok Sandgreenip borgmesterinngornissaraluani IA-mi qinerneqarnerpaasimasumut Ane Hansenimut annaallugu.

Atuaruk: Borgmesterissatut narrugineqartoq Siumukkunniiginnassaaq

- Marloqiusamik, tassami ilaannakortumik, Siumuusoqarsinnaanngilaq. Tassa Siumuussooq imaluunniit naamik. Siumup siulittaasua, Kim Kielsen, Qanoruumut oqarpoq. Tassani peersitsinissamik taanna oqaaseqanngikkallarpoq.

Powered by Labrador CMS