Skip to main content

Kielsen: Suleqatigiinneq aatsaat taama pisariaqartigaaq

Naalakkersuisut siulittaasuat piffissami matumani sakkortuumik assoralisimaartinneqarpoq. Ilaatigut isornartorsiorneqarpoq matoqqasumik ingerlatsineragaalluni, aaqqiipallannerit aqqutigalugit sulineragaalluni aammalu innuttaasunik tusarnaarusunnginneragaavoq akuutitsinnginneragaallunilu. Isornartorsiutit illuatungiliuttuneersut tusaatissatut tigunerarpai, taamaattorli aamma aalajangiusimavoq suliassani naammassissallugit, taamaammallu maanaannakkut qinersisitsinissamik eqqarsaateqarnani.

Sumit tamanit saassunneqaqattaarpoq, allaat ilaminit, matoqqasumik aqutsineragaavoq, taamatuttaaq pasillerneqarpoq naalakkersuisooqatini peqatigalugit tassanngaannaq aalajangiinerit aqqutigalugit ingerlatsineragaalluni.

Aviisi Sermitsiaq taama allappoq.

Maannali isornartorsiorneqarnerminut qisuariarpoq:

– Nuannaarutigaara nunatsinni tamat oqartussaaqataanerat ajunngitsumik ingerlammat, tamannalu aamma paarilluagassaraarput. Assigiinngitsunik isumaqarneq inissaqartinneqassaaq, taamatuttaaq isumaqatigiinngissuteqarsinnaajuaannarpugut, soorunami, taamaattorli aamma eqqaamassavarput politikkikkut tunngavilersuutigut piviusunik tunngaveqassammata. Tamanna pisussaaffigaarput naalakkersuisuugutta illuatungiliuttuuguttaluunniit. Taamaammat assut ajuusaarpunga illuatungiliuttut saassussimmata iluamik akinissannut periarfissaqartinneqannginnama, taamatuttaaq aamma naalakkersuinermik suliaqarnitsinni tulleriaarinerput aammalu iliuuseriniakkavut pillugit erseqqissaanissannut periarfissaqartinneqannginnama, Erik Jensen-ip naalakkersuisutut tunuarniuteqarnera tunngavigalugu aalajangiussassamik siunnersuummik saqqummiussininnut atatillugu aammalu tassunga tunngatillugu tassanngaannaq illuatungiliuttunit Partii Nalerarmit, siulittaasuannit Hans Enoksenimik aqunneqartumik uannut tatiginninnginnermik taasisitsisoqarnissaanik saqqummiussisoqarmat tallimanngornermi 22. november ingerlanneqartumi (UKA2019 imm. 16), kisianni Inatsisartut suleriaasiat taamaappoq, tamannalu ataqqisassaraara, soorunami.

Periaatsit apeqqusernartut

Kielsen isertuarani naliliivoq, illuatungiliuttut uppisitseriarnerminni periaasiat apeqqusernartikkini:

– Malittarisassagut ersarilluinnartuupput, politikkikkut iliuuserineqarniartut ullormut oqaluuserisassani suliarineqaraangata. Suliat tamarmik Inatsisartutigoortarput, siunnersuutillu amerlanerussuteqartunit ilalerneqaraangata pisariaqartinneqaraangallu ataatsimiititalianut attuumassuteqartunut suliassanngorlugit ingerlateqqinneqartarput, ataatsimiititaliallu suliamik ingerlatsinerminni paasissutissanik pissarsiniarsinnaatitaapput isumaliutissiissutiminni innersuussassatik naammassitinnagit.

Aviisimi Sermitsiami atuarnerusinnaavutit. Aviisi uani ataani pissarsiarisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER