Kielsen: Nutaanik tunillatsittoqarsimanngilaq
Kalaallit Nunaanni coronamik nutaanik tunillatsittoqarsimaneranik nalunaarsuisoqarsimanngilaq, Kim Kielsen ataasinngornermi tusagassiortunik katsersortitsinermi ilisimatitsivoq.
- Tunillatsissimasoq siulleq paasineqarmalli maanna ullut 14-it ingerlareerpput. Ullumikkut imatut nutaasiassaateqanngilagut, tunillatsissimasut nutaat pillugit saaffiginnittoqarsimanngimmat, Kim Kielsen ilisimatitsivoq.
Inuit quliinnaat tunilatssisimanera, taakkunganngalu marluk peqqisseqqissimanerat nuannaarutigaa.
- Tunillatsissimasut taakku ajunngillat, aamma ullut tamaasa Peqqinnissaqarfimmut attaveqartarpu, Kim Kielsen oqarpoq.
Utoqqaat sanngiinnerusullu eqqarsaatigalugit pisortat inassuteqaataannik malinnittoqarnissaa kaammattuutigaa.
- Inassuteqaatinik illit aamma malinninnissat pingaaruteqarpoq.
Imigassap matuneqarneranut pissutaasoq
- Imigassamik tunisaqarsinnaaneq arfininngormat matuarput. Sumiiffinni assigiinngitsuni ernguttoqartarnera oqartussallu inassuteqaataasa malinneqartannginnerat takusinnaagatsigu. Pisuni taakkunan aamma nukissortoqartarsimavoq. Taamatut pisoqarnissaa pivaneersaartissavarput, imigassamillu tuniniaanerup unitsinneqarneranut tamanna pissutaavoq. Coronap tuniluunnerata siaruaatinnginnissaanut sakkut taanna ilagaat, Kim Kielsen erseqqissaavoq.
- Matumani imigassamik inerteqquteqarnissamik politikkikkut aalajangerneq pineqarpoq. Inoqarmammai inassuteqaatitsinnik malinninngittunik. Naalakkersuisut kikkulluunniit aalajangiisinnaanerattut uanga taamatut aalajangiivunga, Kim Kielsen imigassamik inerteqquteqalerermi kommunit allanit tapersersorneqarnerartoq ilisimatitsivoqSiunis.
Siunissamit ulloq allortarlugu tusagassiortunik katersortitsisassaagu.
Sapaatiummat inuit qassit misissugassanik tigusiffigineqarpat?
- Sapaatip akunnerata massuma naanerani misissugassanik amerlanerusunik tigusisoqarnissaa pisariaqanngitsutut nalilerneqarsimavoq, Kim Kielsen oqarpoq.