Skip to main content

Kielsen: Namminersorlutik Oqartussat namminneq aningaaseriveqarnissaannik siunnersuut misissorneqassaaq

Kim Kielsen Siumut siulittaasuattut isumaqarpoq, Namminersorlutik Oqartussat aningaaserivimmik pilersitsissapata, suut iluaqutaassanersut suullu ajoqutaassanersut misissornissaanut tunngavissaqartoq.

Henrik Fleischerip § 37 naapertorlugu apeqquteqarnermigut Namminersorlutik Oqartussat aningaaserivimmik, illunut attarsisarfimmik, soraarnerussutisiaqartarnermi aningaasaateqarfimmik sillimmasiisarfimmillu pilersitsinissamik isumaliuuteqaqquai. Siunnersuumminut tunngavilersuutigaa, innuttaasut akikinnerusumik taarsigassarsisinnaanngornissaat.

Kalaallit Nunaanni Sulisitsisut pisortaa Brian Buus Pedersen isumaqarpoq, Fleischerip siunnersuutaa meerarpalullunilu sianiilliornerusoq, neriuutigalugulu Naalakkersuisut taamatut eqqarsaateqarneq “erseqqissumik ataatsimoortumillu” itigartitsissutigissagaat.

 - Paragraf 37 naapertorlugu apeqquteqartoqarpoq. Tamanna tunngavigalugu Henrik Fleischeri akissuteqarfiginianngilara. Akissutikka tusagassiorfitsigut atuassanngilai. Aningaasaqarnermut Naalakkersuisoq akissuteqartussaavoq, Naalakkersuisut Siulittaasuat Kim Kielsen Sermitsiaq.AG-mut ilisimatitsivoq, innersuussutigalugulu suleriaaseq nalinginnaasoq.

Partiimi Siumumi siulittaasutut Fleischerip siunnersuutaa qanoq isumaqarfigaajuk?

- Nasaq piumallerlunilu piiginnarneqarsinnaannglaq, oqaatigerusupparali pineqartoq Inatsisartuni aatsaat siullermeerluni qaqilerneqanngimmat. Inatsisartuni ilaasortat kiffaanngissuseqarlutik pisinnaatitaaffigaat, arlaannik Kalaallit Nunaanni inuiaqatigiinnut suut iluaqutaasinnaanersut suullu ajoqutaasinnaanersut pillugit misissorneqarsinnaasunik saqqummiinissamut. Aap, aningaasaqarnikkut ingerlataqarfinnut assigiinngitsunut, soorlu aningaaservimmut imaluunniit sillimmasiisarfimmut tunngatillugit suut iluaqutaasinnaanersut ajoqutaasinnaanersulluunniit, Kim Kielsen oqarpoq, nangillunilu:

Aalajangiinissamut tunngavissaqarneq

- Misissuisoqaraangat isummerfissaqalerlutalu misissuineq tunngavigalugu aalajangiisinnaanngortarpugut, Kim Kielsen, oqallinnerup misissuinerullu malitsigisaannik aningaasaliissuteqartartut Kalaallit Nunaanni aningaasaliissuteqarusukkunnaarnissaanik ernumassuteqanngitsoq, oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER