Skip to main content

Kielsenip ukiortaami oqalugiaataa IA-p isornartorsiorpaa

Partiip pingaarnertut illua'tungiliuttup Inuit Ataqatigiit Naalakkersuisut siulittaasuata Kim Kielsenip ukiortaami oqalugiaataa piviusorsiunngitsutut oqaatigaa. – Neriorsuuterpassuit kiap akilissagamigit, IA aperivoq

Siumumeersoq Kim Kielsen januaarip aallaqqaataani Naalakkersuisut siulittaasuattut oqalugiarngaarpoq.

- Naalakkersuisut maniguuttumik, sulerulunnikkut pitsaasunillu angusaqarnikkut tatigineqarnerup pilerseqqinnissaanut tunngavissaq qulakkeerniarpaat, Naalakkersuisut siulittaasuata ukiortaami oqalugiaanni aallartippaa.

Partiip pingaarnertut illua'tungiliuttup Inuit Ataqatigiit, tusagassiorfinnut nalunaarutikkut qulequtalikkut ´Naalakkersuisut ukiortaami oqalugiaataannut qisuariaat: Assigiinngissuteqarneq ingerlaqqiinnassaaq´, ukiortaami oqalugiaat isornartorsiorpaa. Partiip Inatsisartuni gruppia isumaqarpoq ´piffissarujussuaq atorlugu inuussutissarsiornerup aallartitsisullu atugarisaasa pitsanngorsarneqarnissaat oqaluuserineqartoq´.

- Atugassarisalli pitsaanerusut pilersinniarlugit inatsimmik malittarisassamilluunniit allanngortinneqartussamik ataasinnguamilluunniit asseresuusiortoqanngilaq. Oqaluuserineqaannarpoq akileraarutitigut akitsuutitigullu oqilisaanissat. Tamanna ajunngilluinnartuusinnaavoq, Naalakkersuisulli tulleriiaarinerat maqaasivarput, Inuit Ataqatigiit Inatsisartuni gruppia allappoq.

IA: Assigiinngissuteqarneq annertusiartuinnassaaq
Inuit Ataqatigiit aamma isumaqarput Naalakkersuisut politikkiannik eqqugaanerpaajusussat tassaasut utoqqaat piitsuunerpaat, suliffissaqanngitsut, akissaatikitsut innuttaasullu ilaat pissakinnerpaat.

- Innuttaasut tamakkua oqalugiaammi eqqaaneqanngillat. Inuuniarnermi atugassarisat qanoq ittut angusassavagut? Aktieselskabiutitsinni sullissinissamillu isumaqatigiissutini assigiinngitsuni sunik anguniagaqartoqarpa? Sammisaqarfinni tamakkunani politikkip innuttaasut toqqaannartorujussuarmik sunnertarpai, atuisartut akiisigut suliffissatigullu. Nuna pisuunerulernavianngilaq amerlanerusut sulilersinngikkutsigut ataatsimoorlutalu tamanna anguniarlugu.

Landskarsi pitsaanerusumik aqunneqassaaq

IA-p ernumanartoqartippaa landskarsip pitsaanerusumik aqunneqarnissaanik pisariaqartitsineq Naalakkersuisut siulittaasuata sumilluunniit oqaaseqarfiginngimmagu.

- Akerlianik oqalugiaat innuttaasut ilaannut arlalinnut inuussutissarsiortunullu neriorsuuterpassuarnik pitsaasunik imaqarpoq. Neriorsuutit landskarsimit akilerneqartussat. Landskarsi ullumikkut pissutsit taamaatsillugit pingaartumik qallunaat naalagaaaffiannit aalisarnermillu immersorneqartoq. Aperisariaqarpugut: Neriorsuuterpassuit pitsaasut tamakkua kiap akilissavai?, Inuit Ataqatigiit inatsisartuni gruppia aperivoq.

Naalakkersuisut siulittaasuata naalakkersuinikkut sangujoraartumik ingerlaaseqarneq uggorinerarpaa, oqarlunilu patajaassuseq anguneqarsinnaangitsoq sammivik allanngortinneqartuaannarpat. Inuit Ataqatigiinniit tamatumani Naalakkersuisut siulittaasuat isumaqatigaarput.

- Tamannalu tunngavigalugu naalakkersuisooqatigiilersut aaqqissuusseqinnerit aallarnisarneqareersimasut taamaatinneqarnissaannik pilersaaruteqarnerat paasiuminaatsipparput. Sangujoraarneq aatsaat qaangiutissaaq manngertisimaarneq taamaatinneqarpat illutungiliuttullu suleqatiginissaat sunniuteqartinneqarnissaallu piviusumik soqutigineqalerpat. Qanortoq ukioq 2015 tassaagili tamatuma piviusunngortinneqarfia, Inuit Ataqatigiit Inatsisartuni gruppia allappoq.

Naalakkersuisut siulittaasuata naalakkersuinikkut sangujoraartumik ingerlaaseqarneq uggorinerarpaa, oqarlunilu patajaassuseq anguneqarsinnaangitsoq sammivik allanngortinneqartuaannarpat.

Inuit Ataqatigiinniit tamatumani Naalakkersuisut siulittaasuat Kim Kielsen isumaqatigineqarpoq. 

- Tamannalu tunngavigalugu naalakkersuisooqatigiilersut aaqqissuusseqinnerit aallarnisarneqareersimasut taamaatinneqarnissaannik pilersaaruteqarnerat paasiuminaatsipparput. Sangujoraarneq aatsaat qaangiutissaaq manngertisimaarneq taamaatinneqarpat illutungiliuttullu suleqatiginissaat sunniuteqartinneqarnissaallu piviusumik soqutigineqalerpat. Qanortoq ukioq 2015 tassaagili tamatuma piviusunngortinneqarfia, Inuit Ataqatigiinnit neriuutigineqarpoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER