Skip to main content

Kielsenip tusarniaanermut akissutinik tamanut saqqummiussisarnissaq erseqqissaassutigaa

Iliuusissatulli pilersaarutit periusissiallu pillugit akissutit matoqqasumik ingerlanneqarsinnaapput

Inatsisissatut siunnersuutit tusarniaassutigineqarnerannut akissutit tusarniaassutigineqartut pillugit nittartakkamut ikkunneaqartassapput. Naalakkersuisut Siulittaasuata aammaarluni Namminersorlutik Oqartussani naalakkersuisoqarfiit tamatumannga erseqqissaaffigeqqittariaqarsimavai.

Erseqqissaassuteqarpoq Sermitsiaq.AG-p tusarniaanermut akissutit isertuunneqartarnerat pillugit apeqqutit, Sofia Geislersip (IA) § 37 naapertorlugu apeqqutigisimasaanut tunngasut saqqummiutereeraalu.

- Naalakkersuisut Siulittaasuata Naalakkersuisoqarfianit naalakkersuisoqarfinnut tamanut tamanna erseqqissaassutigineqaqqippoq, tassa tusarniaanermut akissutit nittartakkamut ikkullugit tamanut saqqummiunneqartarnissaata pisussaaffigineqarnera erseqqissaatigineqarsimavoq, Kim Kielsne (S) akissummini allappoq.

Tusarniaanermut nittatakkap misissorneqarnerata takutippaa, eqqaasissuteqarnissaq pisariaqalersimasoq. Inatsisissatut siunnersuut 15-it kingulliit tusarniaassutigalugit decemberip arfernata februaarillu aqqaneq-aappaata akornanni naammassineqarsimasut akornanni, akissutit sisamaannaat ilanngunneqarsimapput.

- Naalakkersuisut Siulittaasuata ilanngullugu uppernarsarpaa, tusarniaanermut akissutit tiguneqarsimatsiaannarlutik, tusarniaanermullu akissuteqarnissamut killissarititap qaangiunnerani kingusinnerpaamik ullormi suliffiusumi siullermi www.naalakkersuisut.gl-imi nittartakkamut ilanngunneqartassasut. Pisortalli ingerlatsinerat pillugu paasitinneqarsinnaatitaaneq pillugu Inatsisartut inatsisaat nr. 9, 13. juni 1994-imeersoq naapertorlugu saneqqutsisoqarsinnaavoq, aamma takuuk "Namminersorlutik Oqartussani avataanullu inatsisitigut najoqqutassat, Kunngip peqqussutai, nassuiaatit il.il. tusarniaassutigineqartarnerat", Kim Kielsen akissuteqaammini allappoq.

Kim Kielsenip tamatumunnga peqatigitillugu erseqqissaassutigaa, qanoq ammatigisumik ingerlatsisinnaaneq killeqartoq.

- Ilanngullugu oqaatigineqassaaq, tusarniaanermut akissutit nittartakkatigut tamanut saqqummiunneqarnissaannik piumasaqaat taamaallaat inatsisissatut siunnersuutit nalunaarutillu saqqummiunneqarsinnaasut, imaluunniit immikkut inatsimmi tamanna piumasaqaataappat.

- Iliuusissatut pilersaaruit, periusissiat, nassuiaatit assigisaallu tusarniaassutigineqarnerat nittartakkamut ilanngunneqarneq ajorput. Taakku naalakkersuisoqarfiup akisussaasup nalilersuereerneratigut naalakkersuisoqarfiup nittartagaanut ilanngunneqartarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER