Kielsenip siunnersuutaa: Kalaallisut ilinnianngikkussi suliffissi annaassavarsi
Nunanut allanut suliassaqarfik nunatsinni isumagineqartariaqarpoq, nunanit allanit sulisussannik qulakkeerinninnissaq anguniarlugu, aamma pisortanit sulilerlaat nutserisunik pisariaqartitsiunnaarnissaasa tungaannut kalaallisut ilinniartinneqassapput.
Kalaallit Nunaata nunanut allanut suliassaqarfik Naalagaaffimmit tigusariaqarpaa, nunanit allanit sulisussanik nunatsinnut tikisitsisarneq Kalaallit Nunaannit aqunneqartilerlugu.
Taamatut isumaqarpoq Naalakkersuisut Siulittaasuat Siumumeersoq Kim Kielsen.
Timmisartoqarfiliornermimi aatsitassarsiorfinnillu ingerlatsinermi maannakkumut sanilliullugu sulisussanik amerlanerusunik pisariaqartitsisoqalertussaavoq, Kim Kielsen naliliivoq:
- Maannakkullu nunatsinni piffissanngorpoq alloriarneq tulleq tigussallutigu. Piffissanngorpoq nunanut allanut suliassaqarfik nunatsinnut oqqutissallutigu.
Sukkasuumik oqaatsinik pikkorissaasoqassasoq
- Nunarput ineriartortissavarput, tikilluaqqussavagut nunatsinnukartut suliartorlutik siuariartortitsillutillu, kisianni uagut piumasaqaatigut tunngaviussapput, Kim Kielsen tusagassiorfinnut nalunaaruteqarnermi allappoq.
Kim Kielsenilu naapertorlugu pisumasataatit ilagissavaat, Kalaallit Nunaannut suliartorlutik tikittut kalaallisut ilinniarnissaat.
Pisortani sulisut suliffitsik tigummiinnarniarunikku soraarummeernermi angusissapput, taanna siunnersuuteqarpoq:
- Pisortani atorfittaartut sukkassusaa aaliangersakkamik oqaatsinik ilinniartinneqassapput. Atorfeqartut atorfitik tigummiinnarniarunikkit soraarummeernerni anguseqqaartassapput, nutserunneqarnissaminnik pisaariaarutsitsinissamik tungaannut, Kim Kielsen allappoq.
Ilinniarneq akeqanngitsoq
Amerlanerit kalaallisut oqalussinnaappata, nutserinermut aningaasarpassuit sipaarneqassapput, taanna naliliivoq.
Kalaallit kalaallisut oqalussinnaanngitsut akeqanngitsumik ilinniartinneqassasut:
- Atuartitsinerup attaveqaatinik elektroniskimik ingerlaneqartunik akeqanngitsumillu ilinniartinneqarsinnaanermik, periarfissinneqarsinnaalissapput oqaatsiminnik katassimasaminnik ilinniartinneqarsinnaalernissaminnik, Kim Kielsen allappoq.