Skip to main content

Kielsenip naalakkersuisoqarfiani pisortat marluk nutaat

Atorfiit septemberimi inuerutereersullu, Siulittaasup Naalakkersuisoqarfiata immikkoortortaqarfinni pisortanik marlunnik nutaanik atorfinitsitsivoq

Naalakkersuisut Siulittaasuata Naalakkersuisoqarfia immikkoortortaqarfinni pisortanik marlunnik nutaanik atorfinitsitsivoq.

Septemberimi atorfilittat pingaarutilittut inissisimasut ukiuni arlaqartuni sulereerlutik namminersortuni sulilernertik peqqutigalugu taamaatereersullu atorfiit inuttaarupput.

Kommunalbestyrelsimi ilaasortaq
Nunami Namminermi Pissutsinut Allaffeqarfimmi immikkoortortami Martha Abelsen pisortanngussaaq. Taanna kommunit pillugit ilisimasaqarluarpoq Namminersornerullutik Oqartussani isumaginninnerup, peqqinnissap nunamilu namminermi pissutsinut tunngatillugu suliaqatsimanerminit, kiisalu Kommuneqarfik Sermersuumi borgmesterip tulliata sinniisuunikuulluni.

Politik taamaatikkaa
Martha Abelsenip Nunami Namminermi Pissutsinut Allaffeqarfimmi immikkoortortami pisortanngornerminut atatillugu aalajangerpoq Kommuneqarfik Sermersuumi qinikkatut Siumut Nuummilu siulittaasutut tunuassalluni.

Atuaruk: Siumut Nuummi siulittaasoq tunuarpoq

Nuummi peroriartortoq
Ingerlatseqatigiiffinni Allattoqarfimmi immikkoortortami, Namminersorlutik Oqartussanit suliffeqarfiit ilaatigut tamakkiinngitsumik pigineqartunut attaveqarnermut isumaginnittoqarfimmi pisortatut, MBA aamma Ph.d. Lars Balslev pisortanngorpoq.

Lars Balslev Copenhagen Business Schoolimi CBS-imi maanna ekstern lektoriuvoq. Taanna Nuummi peroriartorsimavoq assigiinngitsunillu atorfeqarsimalluni, soorlu Air Greenland A/S-imi Inu:IT A/S-imilu.

Atuaruk: Atorfilittaq namminersortunut sulilerpoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER