Skip to main content

Kielsenip angallataa inuussutissarsiutigalugu aalisarnermi atorneqartussat akuerisaanngilaq

Kim Kielsenip angallataa ”Najagiit”, inuussutissarsiutigalugu aalisarnermi atorneqartussatut akuersissuteqanngilaq. Taamaakkaluartoq Kim Kielsenip angallatini ikinngumminut attartortissimavaa, taassuma angallat nipisanniarnermi atorpaa.

Inatsit naapertorlugu angallat meterit arfinillit sinnerlugit angissusilik Imarsiornermut Aqutsisoqarfimmi nalunaarsorneqarlunilu akuerineqartussaavoq. Kim Kielsenip angallat Islandimi pisiarimmagu, Kim Kielsenip eqqartuussissuserisuata akuersissutit pisariaqartinneqartut suliaralugit 2016-imi aggustusip qaammataani aallartissimavaa . 

Uppernarsaatissanik amigaateqartoqarnera pissutigalugu angallat Imarsiornermut Aqutsisoqarfimmit akuerineqanngisaannarsimavoq, taamalu inatsit malillugu inuussutissarsiutigalugu aalisarnermut atorneqaqqusaanani.

Sermitsiaq.AG Imarsiornermut Aqutsisoqarfiup allagaataanik takutinneqarsimavoq, tassani allassimavoq oqaloqatigiinneq kingulleq 2018-imi apriilip qaammataani pisimasoq.

Imarsiornermut Aqutsisoqarfimmit Aalisarnermut Piniarnermullu Naalakkersuisoqarfimmi sulisumut oqaaseqaat imatut nipeqarpoq:

- Periarfissaqaruit ajornanngippallu, Umiarsuarnut nalunaarsuiffik paasissutissanik pissarserusuttupilussuuvoq, angallammi Imarsiornermut inatsimmi § 3, imm. 1 naapertorlugu nunamit suminngaanneernermut uppernarsaammik peqarnissap saniatigut angalaqqusaanngimmat.

Angallatip inuussutissarsiutitut atorneqarnissamut nalunaarsorneqartussaanera akuerineqartussaaneralu pillugit malittarisassat

Imarsiornermut Aqutsisoqarfiup nittartagaa malillugu, Kalaallit Nunaanni angallatit inuussutissarsiutitut atorneqartut tamarmik Danmarkimi angallatinut nalunaarsuiffimmi nalunaarsorneqartussaapput.

Sullisivik:

Aalisariutit 6 meteri sinnerlugu angissuseqarpat, inuussutissarsiutut atorneqarnissamut akuersissuteqartussaavoq, imarsiornermullu aqutsisoqarfimmi nalunaarsorneqarsimasussaalluni – angallatip imarsiornermut aqutsisoqarfimmi nalunaarsorneqarneranut peqatigitillugu aalisarsinnaanermut akuersissummik qinnuteqartoqassaaq. 

Aalisariutit 6 meteri sinnerlugu angissuseqarpat, aalisarsinnaanermut akuersissummik qinnuteqaammut ilanngullugu angallatip angissusaata uuttortarsimanera nassiunneqassaaq.

Suliaq 2018-imi unitsinneqarsimasoq

Paasissutissaq taamanikkut amigaatigineqarsimasoq, allagaatinik takuninneq naapertorlugu tassaavoq, angallatip ilisarnaatai naqinnerit ikkunneqarsimanerat. 

Aalisarnermut Naalakkersuisoqarfimmi sulisut akissutigisimavaa:

- Ok, iliuuseqarginiassuara.

Kisianni taamanikkulli susoqarsimanngilaq. Nalunaarsuilluni suliassaq Imarsiornermut Aqutsisoqarfimmi uninngaannarpoq. Taamaammat angallat aamma ileqquusutut misissorneqarsimanngilaq, tamannami angallatip inuussutissarsiutitut atorneqarnissaanut piumasaqaataavoq.

Akiligassinneqarnermik kinguneqarsinnaasoq

Kim Kielsenip 2019-imi juulip qaammataani paragraf 37 naapertorlugu apeqqummut akissutaani takuneqarsinnaavoq, inuussutissarsiutigalugu aalisartutut allagartaqanngitsoq, taamalu angallatini inuussutissarsiutigalugu aalisarnermut atorneq ajoraa. Angallalli apriilip 27-aniit maajip 19-iata tungaanugut Kim Kielsenip ikinngutaanut, inuussutissarsiutigalugu aalisartumut attartortinneqarpoq. 

Imarsiornermut Aqutsisoqarfiup Sermitsiaq.AG-mut ilisimatitsissutigaa, Imaani Isumannaallisaaneq pillugu Inatsit naapertorlugu, unioqqutitsisoqarsimatillugu suliaqarnermi pineqaatissiissutaasinnaasunik assigiinngitsunik tunniussisoqarsinnaasoq, tassunga ilanngullugu angallat arsaarinnissutaasinnaavoq akiligassiisoqarsinnaalluniluuunniit.

Sermitsiaq.AG-mit Kim Kielsen oqaaseqartinniarneqarsimagaluarpoq, maannakkorpiarli suliamut tunngatillugu oqaaseqarusussimanngilaq.

Læs hele sagen:

  1. Naalakkersuisut sætter MSC-certificering over styr
  2. Island har manglet MSC i flere sæsoner
  3. Uenighed om kvoteforøgelse
  4. Jeg har ikke hævet stenbiderkvoten
  5. Kielsen udnytter sin position
  6. Kim Kielsen skal undersøges af lovudvalget
  7. Revisionsudvalget vil undersøge Kielsen
  8. Forklaring om kvoteforhøjelser holder ikke
  9. Ingen er hævet over loven
  10. Inatsit kikkunnut tamanut atuuppoq
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER