Skip to main content

Kielsenip ajornartorsiorneq pillugu: Suleqatigiinneq nalilersuleruttorparput

Naalakkersuisut siulittaasuata, Siumup IA suleqatiginialikkersaarneraa uppernarsarusunngilaa

Naalakkersuisut siulittaasuat, Kim Kielsen (S), maanna naalakkersuisoqatigiit, Siumut, Atassut Demokraatillu suleqatigiinnerisa pitsaassusaat pillugu paasiuminaatsumik oqaaseqarpoq.

- Naalakkersuisoqatigiinnermi suleqatigiinneq nalilersuleruttorparput, tamatuminngalu suliaq piffissami sivisulaami ingerlareerpoq, Kim Kielsen Sermitsiaq.AG-mut oqarpoq.

Taassumalu aamma naalakkersuisoqatigiinni partiip siuttuusup nutaamik Inatsisartuni amerlanerussutissarsiorniarneranik tusatsiakkat uppernarsarusunngilai.

IA?
Tusarfiit arlallit naapertorlugit maanna Siumup aamma illuatungiliuttuni partiit annersaat Inuit Ataqatigiit naalakkersuisoqatigiinnissamut periarfissarsiortoqarpoq. 

Tamatuma saniatigut IA-mi politikerit siuttut arlallit, partiip siulittaasua Sara Olsvig, Inatsisartunut ilaasortaq Muté Bourup Egede, aamma siulersuisuunerni ilaasortaasoq, kiisalu politikkikkut oqaaseqartartoq Aqqaluaq B. Egede, naak kiffartuussinermut isumaqatigiissutit akerleriissutaasut oqallisaasussaagaluit pingasunngornermi ullaap tungaani Inatsisartut ataatsimiittarfianiinnginnerat tupaallaatigineqarpoq.

Illunilli taakku partiit siuttuinit periarfissarsiortoqarneranik paasissutissiisoqarnissaanik uppernarsaatitsinissaq iluatsissinnaasimanngilaq.

Suliat arlallit
Partiit naalakkersuisoqatigiit 2014-imili pilersinneqarnerannit suleqatigiinneq arlaleriarluni pitsaanngittarsimavoq

Taakku ilaatigut assersuutigalugu Inatsisartut ataatsimiittarfittaarnissaat pillugu isumaqatigiinngissuteqarput, taamatullu nuna tamakkerlugu pilersaarusiaq akerleriissutaasoq ingerlaannaq tunuartinneqartoq pillugu, aamma angallassinermut kiffartuussinermut isumaqatigiissutit akerleriissutaallutit iluminni perulluliuutigaat.

Tamakku saniatigut Atassutip Inatsisartunut ilaasortaatitaata Steen Lyngep, naalakkersuisup Nivi Olsenip (D), atuartut ilinniartullu hashimik pujortartarnersut misissorneqartalernissaannik siunnersuutaa akerlilersorpaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER