Skip to main content

Kielsen: Apeqqarissaarnissamut qilanaarsimagaluarpugut

Naalakkersuisut Siulittaasuata kina apeqqarissaarfigineqassanersoq nammineq aalajangertussaallugu erseqqissaatigaa, apeqqarissaarnissamullu Inatsisartut Siulittaasoqarfiata sapaatip akunnerani kingullermi taamaatiinnagaanut piareersarsimagaluarlutik.

Sermitsiaq.AG-p sapaatip akunnerani kingullermi saqqummiuppaa, Inatsisartut Siulittaasoqarfiata Naalakkersuisut Karl Frederik Danielsenip apeqqarissaarfigineqarnissaa taamaatiinnarsimagaa.

Taamaatitsiinnarnermut pissutaatinneqarpoq, siulittaasoqarfimmit kissaatigineqarsimammat Naalakkersuisut Siulittaasuat Kim Kielsen apeqqarissaarfigineqassasoq, aamma siulittaasoqarfimmit Karl Frederik Danielsenip apeqqarissaarfigineqarnissamut taartaatinneqarniartoq akueriumasimanngimmagu.

Kim Kielsenip naalakkersuisoqarfiata tusagassiorfinut nalunaaruteqarnermi erseqqissaatigaa, naalakkersuisut siulittaasuat tassaasoq kiap apeqqarissaarfigineqarnissaanut aalajangiisussaq:

Siulittaasoq aalajangiisussaasoq

- Inatsisartut Suleriaasianni § 37, imm. 7 naapertorlugu Inatsisartut Siulittaasoqarfiat Naalakkersuisunut apeqqarissaarnissamik aalajangersaasinnaavoq. Apeqqarissaarnissamili Naalakkersuisup sorliup peqataanissaa Naalakkersuisut Siulittaasuata aalajangigassaraa, nalunaarummi allassimavoq.

Kim Kielsenip ilanngullugu oqaatigaa, pingasunngorpat Inatsisartuni partiini siuttut oqallinnissaanut peqataasussaalluni. Oqallinnissaq nalunaaquttap akunnerini pingasuni sivisussuseqartussaq. Tamanna pissutaavoq Karl Frederik Danielsenip apeqqarissaarfigineqarnissaanut aalajanersimanermut:

- Erseqqissaatigissavara apeqqarissaarfigineqarnissaq Naalakkersuisut taamaatinngimmassuk. Naalakkersuisut piaareersarlutik piffissarujussuaq atorsimagaluarpaat. Inatsisartunik apeqqarissaarfineqarnissamut qilanaarsimagaluarpugut, Naalakkersuisut Siulittaasuat Kim Kielsen oqarpoq​​​​​​​. 

Siusinnerusukkut siulittaasoqarfillu isumaqatigiinngissimaneq

Kim Kielsen upernaaq manna aatsaat siullermmik Siulittaasoqarfimmik isumaqatiginninngilaq. Tamanna aamma pivoq, Kielsenip tusagassiortunik katersortitsinermi oqaluttuarimmagu, coronap ajornartorsiutaanera pissutigalugu upernaakkut ataatsimiittoqassanngitsoq.

Tamanna Inatsisartut Siulittaasoqarfiata kingusinnerusukkut itigartippaa, erseqqissaatigalugulu naalakkersuisut siulittaasuat ataatsimiinnissamik taamaatitsiinnarnissamut piginnaatinneqanngitsoq.

Inatsiartut Siulittaasoqarfiat Vivian Motzfeldtimi (S) aqunneqarpoq. Siumut nuna tamakkerlugu aasaru ataatsimeersualerpat siulittaasunngorniartut ilagivaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER