Skip to main content

Kielsen: Aalisarsinnaanermut akuersissuteqanngilanga

Naalakkersuisut Siulittaasuata Kim Kielsenip ilisimatitsissutigaa, inuussutissarsiutigalugu aalisarsinnaanermut akuersissumrnik pigisaqarnani.

Ilisimatitsissut Sofia Geislerip, IA, paragraf 37 atorlugu Kim Kielsenip Nuup Kangerluani qaleralittassiisoqartalernissaanut suliamut qanippallaarsinnaaneranut paasisaqarumalluni apeqquteqaataanut, akissummi atuarneqarsinnaavoq.

Kim Kielsen akissummini ilanngullugu erseqqissaatigaa:

- Paasinninnera naapertorlugu pineqartup ingerlatsinermut suliassaqarfimmi aalisartutut ingerlatsisinnaaneranut akuersissummik tunineqarnissaa kisiat tunngavilersorniarlugu aalisarnerup pineqartup aningaasaqarnikkut amerlassusaat naatsorsorneqassanngillat, Kim Kielsen allappoq innersuussutigalugulu suliami peqataasinnaatitaaneq pillugu maleruagassanut inassummi sulianik isumaginninnermut inatsimmi kapitali 2, tassani suliami peqataasinnaannginneq qanoq paasineqassanersoq, allaffissornikkullu qanoq suliarineqassanersoq nassuiarneqarsimammat.

Piffissami killilikkami

Kim Kielsenip erseqqissaatigaa inuussutissarsiutigalugu piniarsinnaanera aalisarsinnaaneralu Inatsisartut Qinigaanerup Misilinneqarnissaanut Ataatsimiititaliaanit akuerineqarsimammat – kingullermik tamanna pivoq maajimi 2018-imi, ingerlatsineralu aamma piffissami killilikkami pisartoq.

- Aalisarnikkut piniarnikkullu suliakka isertitakkalu oqaatigineqareersutut Naalakkersuisut siulittaasuattut inuussutissarsiornerma ilaginngilaat. Taakku inuttut namminersortutullu ingerlappakka pisortanilu suliassaanatik, takuuk Inatsisartut Suleriaasianni § 37, akissummi allassimavoq.    

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER