Skip to main content

Kielsen umiatsiami inuussutissarsiutitut atorneqarnissaanut akuersissummik piniarunnaaginnarsimavoq

Kim Kielsenip angallataata inuussutissarsiutitut atorneqarnissaanut akuersissummik qinnuteqaat, søfartsstyrelsemi ukiut sisamat uninngasimavoq. Angallat inuussutissarsiutitut maanna atorneqassanngitsoq nassuiaatigineqarsimavoq.

Allaaserineqartoq nalunaaqutaq 14.15 allanngortinneqarpoq. Allaaserisami allanneqarpoq Kim Kielsen Imarsiornermut Aqutsisoqarfik aqqutigalugu allassimasoq, taamaanngilaq. Aalisartunut Piniartunullu Siunnersuisoqarfik (AAPISI) aqqutigalugu allappoq, taanna Namminersorlutik Oqartussat ataanniippoq. AAPISI KNAPK-p e-mailiata assinganik naaneqartumik atuisuuvoq

Kim Kielsenip angallatimi inuussutissarsiutitut atorneqarnissaanut qinnuteqaataa Søfartsstyrelsemiittoq pillugu Sermitsiaq,AG juulip qulingiluaani allagaatinik takunnereersoq, Søfartsstyrelse Naalakkersuisut Siulittaasuannut allakkamik nassitsisimavoq. Tassani erseqqissaatigineqarpoq, angallatini inussutissarsiutitut atorsinnaanngikkaa, akuersissutit pisariaqartinneqartut suli pigineqanngimmata.

Søfartsstyrelse juulip qulingani Naalakkersuisut Siulittaasuannut Kim Kielsenimut angallataa pillugu allagaqarsimavoq.

Sermitsiaq.AG-p allagaatini takusimasaani tamanna allassimavoq. Søfartsstyrelse allagaatinik takunnikkusuttoqarneranik suliaqarnerminut atatillugu, siulittaasup suliassaataa 2018-imili uninngasimasoq pillugu soqutiginnilersimavoq.

- Søfartsstyrelsimit maluginiarneqarsimavoq, angallat FTJ 8519, NAJAGIIT nunamit suminngaanneernermut uppernarsaammik pisimanngitsoq misissorneqarsimanngisorluunniit.

Erseqqissaatigissavarrput, angallat nunamit suminngaanneernermut upparnarsaateqanngitsoq aamma pisariaqartinneqartumik misissorneqarsimanngitsoq angalaqqusaanngimmat, allakkani allassimavoq.

Kielsenip angallataataa akuersissutitaqanngikkaluartoq apriilip 27-aniit maajip 19-iata tungaanut inuussutissarsiutitut atorneqarsimavoq, tassa siulittaasup angallatini ikinngumminut inuussutissarsiutigalugu aalisartuusumut attartortissimammagu ikinngutaatalu nipisanniarnermut atorsimallugu.

Qinnuteqaat tunuartinneqarsimasoq

Ikinngutaa piffissami pineqartumi 200.000 koruunit nalingannut nipisannik tunisaqarsimasoq, Sermitsiaq.AG-p allagaatinik allanik takunnissimanerata tamanna takutippaa.

Kielsenimut allattoqarneranit sapaatip akunnera qaangiuttoq, Søfartsstyrelse siulittaasoq sinnerlugu KNAPK-mit allakkanik tigusaqarsimavoq, tassani qinnutigineqarsimalluni angallatip nalunaarsuiffimmit peerneqarallarnissaa.

Søfartsstyrelsilli akissuteqaammini ilisimatitsissutigisimavaa taamaaliortoqarsinnaanngitsoq. Nalunaarsorneqarusuttoqarsinnaavoq imaluunniit nalunaarsorneqannginnissaq piumaneqarsinnaavoq. Qinnuteqaat nalunaarsuiffimmit peerneqarallarsinnaanngilaq.

Tamatuma kingorna KNAPK siulittaasoq sinnerlugu mailikkut allagaqarsimavoq, angallat inuussutissarsiutitut atorneqarnianngimmat nalunaarsuiffimmit piiveqqullugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER