Skip to main content

Kielsen Nuummi imigassanik aalakoornartutalinnik tuniniaanermut inerteqquteqartitsilerpoq

Kim Kielsen aalajangerpoq Nuummi immiaqqanik, viinninik allanillu imigassanik aalakoornartutalinnik tuniniaasarnerit inerteqqutaalissasut. Inerteqquteqalerneq ingerlaannartumik atuutsinneqalerpoq, Nuummi, Kapisilinni Qeqertarsuatsiaanilu atuuttussanngortillugu.

Taama annertutigisumik allannguilluni aalajangernermi, imigassat minnerpaamik 2,25 volumenprocentimik aalakoornartutaqartut tuniniarneqaqqusaajunnaarneranni, pingaarnermik meeqqat illersorniarneqarput.

- Atuarfiit, paaqqinnittarfiit, neriniartarfiit imerniartarfiillu kiisalu kulturikkut aaqqissuussat matuneqarnerisa nalaanni angerlarsimaffinni imigassamik atuineq oqartussanit qanimut malinnaaffigineqarpoq, tusagassiutinut nalunaarummi allassimavoq. Nalunaarut nalunaaqutaq 20.00 qaangilaarnerani, niuertarfinni imigassanik aalakoornartutalinnik tuniniaasinnaajunnaartoqarnera pillugu nalunaaruteqartoq nassiunneqarpoq.

- Taamak ineriartortoqarnera meeqqanut ilaqutariinnullu taamaallaat eqquinavianngilaq, kisianni aamma Covid-19-ip tuniluunnerata siaruarnissaanut annertunerusumik aarlerinaateqalersissavaa imigassartorfiusumi ataatsimoortoqartillugu inuit tunillaassuuttoqarsinnaanera eqqumaffigineq ajormassuk. Nuummi massakkut tunillatsissimasut 10-t naammattoorneqarput, allassimavoq

Kim Kielsen oqarpoq:

- Pissutsit taamaatillugit nappaatillu siaruaqqinnissaa pinaveersaarniarlugu maleruagassaliortariaqartarpugut. Taamatulli aalajangerninni qitiutitakka tassaapput meeqqat, taakkumi toqqissillutik angerlarsimasinnaasariaqarput. Neriuppunga meeqqanut atugassarititat pitsaasuunissaat inuiaqatigiittut ataatsimoorluta akisussaaffittut tigussagipput aammalu inuiaqatigiit toqqissisimanissaanut tamatta peqataassasugut​​​​​​​.

Inerteqquteqalerneq ingerlaannartumik atuutsinneqalerpoq, aprilillu 15-ani nalunaaqutaq 10.00 tungaanut atuussalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER