qinigaaffiup qiterpaarnerani
Kielsen malunniuteqarnerusariaqarputit
Inatsisartut ukiaanerani katersornerat tallimanngorpat aallartissaaq. Illuatungiliuttut naliliisartullu naalakkersuisooqatigiit siuttuata malunniuteqarnerunissaa ujartorpaa
Naliliisartut illuatungiliuttunilu politikkerit Naalakkersuisut siulittaasuat Kim Kielsen karakterigissaartinngilaat 2014-mi qinersinermi IA-mut ajugaaqqarluni siuttunngornerminiit maannamut killiffia nalilersorneqarmat. Siuttunngorpoq taarsikkani Aleqa Hammond nammineq angalanerminut landskarsimiit akiliutsikkallartareerluni tunuarmat.
Naalakkersuisut siulittaasuattuattut Kim Kielsen qinigaaffimmi qiterpaarpoq uanilu sapaatip akunnerani qitiulluinnartussaavoq Inatsisartut ukiaanerani katersornerat aallartittussaammat aammalu aappaagumut aningaasanut inatsisissaq inaarsaarneqassammat.
Atuaruk: Angalaartut ajornartoortut Kim Kielsenip ikiorai
PN: Kim saamavallaarpoq
Naalakkersuisooqatigiit maanna periarfissaqalerput politikkikkut siunnerfimmut sunniuteqarnissamut Nunatsinnilu aningaasarsiornikkut unittooqqarnerup qaangeriarnissaanut. Siunnerfilli takujuminaatsoq naliliisartut illuatungiliuttullu naliliipput, Naalakkersuinikkullu siuttup siunniuteqarnerusutut saqquminissaa ujartorlugu.
Atuaruk: Kim Kielsenip soraarummeernermut uppernarsaatit tunniuppai
- Kim Kielsen inussiarnersuuvoq immaqalu Naalakkersuisut siulittaasuunissaminut saamavallaarluni. Inuppalaarnerugaluarpoq suliani assigiinngitsuni apeqqutinut akissutit Naalakkersuisuni ilaasortaqatiminut akisassanngortittarmagit, Partii Naleqqami siulittaasoq Hans Enoksen oqarpoq.
- Kisianni amigaatigaarput malunniuteqarnerusutut inissinnissaa naalakkersuisooqatigiillu siunnerfiat erseqqissumik nalunaarutigalugu, Hans Enoksen oqarpoq.
Atuaruk: Kielsenip umiarsualiviliornissaq kigaallatsippaa
Allaaserisaq tamaat AG-mi uani sapaatip akunnerani saqqummertumi atuaruk, tassani partiit illuatungiliuttut aamma naliliisartut naalakkersuisoqatigiinni aqutsisumik erserinnerusumik ujartuipput. Aviisi uani aamma pisiarisinnaavat: