Kielsen Kuannersuarni suliassaq pillugu innuttaasunik ataatsimiitsitsiniartoq
Kalaallit Nunaata oqaluttuarisaanerani aatsitassarsiornissat oqallisigineqarnerpaasimasut ilaat ataaseq: Kuannersuarni aatsitassarsiornissaq pillugu innuttaasunik ataatsimiitsitsinissamut qaaqqusisoqarpoq. Naalakkesuisut pingasut innuttaasunik ataatsimeeqateqarniartut Kim Kielsen ilagivaat.
Naalakkersuisut pilersaarummik saqqummiusseqammerput, tassani Kujtaani illoqarfinni assigiinngitsuni tallimani innuttaasut ataatsimeeqatigiserineqarput, ilaatigut suliassaq saqqummiunneqassaaq takkussimasullu apeqquteqarnissamut periarfissaqassallutik.
-Innuttaasut suliassamik saqqummiussivigineqarnissamik, tamatumalu kingorna suliassamik piginnittumut, oqartussanut aammalu aatsitassanut suliassaqarfimmi immikkut ilisimasalinnut arlaannaannulluunniit attuumassuteqanngitsunut apeqquteqarnissamut, naluunaarutiminnik tunniussinissamut il.il. periarfissinneqarnissaat siunertaralugu ataatsimiititsinerit aaqqissuunneqarput, Naalakkersuisut nittartagaanni allassimavoq.
Coronamut atatillugu killilersuutinut atuuttunut akerliunngitsumik piffissaliisoqassaaq, Naalakkersuisut piffissaliussanik sumiiffissanillu allannguisoqarsinnaaneranik erseqqissaasut oqaatigaat.
Naalakkersuisut pingasut innuttaasunik naapitsissapput. Tassaasut Naalakkersuisut Siulittaasuat Kim Kielsen, Inuussutissarsiornermut Aatsitassanullu Naalakkersuisoq
Jens-Frederik Nielsen aamma Suliffeqarnermut, Ilisimatusarnermut Avatangiisinullu Naalakkersuisoq Jess Svane.