Skip to main content

Kiap Biden naapissimavaa: Kalaallit Nunaanni attaveqarfimmik ujaasineq

USA-p præsidentissaa, Joe Biden 1980-ikkunnili kalaallinik politikerinik naapeqateqareersimavoq, Danmarkimi aallartitaq nuimasoq naapertorlugu. Politikerip sorliup pineqarnera AG-p paasiniaraluarsimavaa.

”Biden kingullermik 2018-imi ullup-qeqqasioqatigiinnermi naapisimavara, tamatumanilu sanileralugu. Qallunaanik aamma kalaallinik politikererpassuarnik 1980-ikkunni aamma naapeqateqareersimavoq taamaammallu Danmarkip nukittuffii sanngiiffiillu aamma tappiffigilluarlugit.”

Ulrik Federspiel (AG-mit ersarissisinneqartoq, aaqq.) Politikenimi isumaliutersuummi ukioq manna novembarip 9-ani taama allappopq. 

Federspiel Det Udenrigspolitiske Selskabimut siulittaasuuvoq, Washington D.C.-mi aallartitaasimalluni, nunanullu allanut ministereqarfimmut pisortaasimalluni. 

Kalaallit politikerit pillugit paasissutissamineq AG-p aaqqissuisoqarfiani tusagassiortutut alapernaannermik soorunami pilersitsivoq. Tamatumalu kingorna kia 78-iliingajalersumik Joe Bidenimik, taamani senatoriugallarmat Senatillu nunanut allanut ataatsimiititaliaanut ilaasortaagallarmat, naapitsisimaneranik paasiniaanermik tamanna malitseqarluni.

Lars-Emilip naapinnikuunngilaa

Tamatumunnga taarsiullugu isumaliutersuummik allaaserinnittoq, Ulrik Federspiel, attaveqarfiginiarsaraarput.

Aallartitap nuimasup akissuteqarnissaata utaqqinerani 1980-ikkunni Namminersornerullutik Oqartussanut attuumassuteqartunut politikerinullu assigiinngitsunut sianeqattaalerpugut.

Siornatigut atorfilittanut nuimasunut Kaj Kleistimut aamma Jakob Janussenimut sianeraluarnerit kinguneqanngillat.

Marluullutik oqaatigaat, tamatuminnga ilisimasaqartoq immaqa tassaasinnaasoq, Namminersornerullutik Oqartussani ukiorpassuarni atorfilittaasimasoq, maanna soraarninngorneq, Lars Vesterbirk. 

Taanna Danmarkip kujasissuani soraarninngornertut najugaqarfigisaani pissarsiaraarput. 

Vesterbirk isumaqarpoq, pineqartoq tassaasimassasoq Lars-Emil Johansen, 1979-imiit 1986-imut Siumut sinnerlugu naalakkersuisunut Inatsisartunullu ilaasortaasoq. 

Tamannali Lars-Emilip AG-mut ilumuunnginnerarpaa. 

Allaaserineqartoq aviisimi AG-mi tamakkiisumik atuaruk. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER