Skip to main content

Keflavikimi mittarfik Nunani Avannarlerni eqqugaanerpaavoq

Nunani Avannarlerni mittarfiit 20-t annerit akornanni Islandimi mittarfik Reykjavikimiittoq, Keflavik, coronap nunarsuaq tamakkerlugu tuniluunnera pissutigalugu eqqugaanerpaavoq.

Nunani Avannarlerni mittarfiit annersaasa nalunaarsorneqarnerini annerit 20-t inissisimaffiini nikittoqarpoq, timmisartut pillugit atuagassiami check-in.dk-mi allaaserisami tamanna atuarneqarsinnaavoq.

Københavns Lufthavnip annersatut inissisimanini Norgemi illoqarfiit pingaarnersaanni mittarfimmut annaavaa, Keflavikimilu mittarfik ilaasut 81 procentinik appariarnerat nalunaarsorsimavaat, tamatumalu kingunerisaani Islandimiut 9-mut inissipput, ukiup siuliani 5-miillutik.  

Norgemi mittarfiit ingerlalluarnerupput, pitsaanerillu 20-t allattorsimaffianni mittarfiit qulingiluat ilaapput, atuagassiamilu nunarsuaq tamakkerlugu silaannakkut angallannermut tunngasunik suliaqartumi tamanna atuarneqarsinnaavoq.

Norgemi naalagaaffimmit ingerlatsinermut tapiissutit
- Norgemi silaannakkut angallannerup naalagaaffiup aqqutini arlalinni ingerlatsinermut akiliisarnera iluaqutigaa, nunarsuaq tamakkerlugu coronap tuniluunnerani Norgemi inuiaqatigiinni tamani timmisartornissamut inissaqartitsinissaq qulakkeerniarneqarmat. Tamannalu aamma Norgemi timmisartuussinerit taamaallaat 33 procentinik appariarnerinut pissutaavoq, CPH assersuutigalugu timmisartuussinerit 63 procentii annaavaat, check-in.dk-mi aaqqissuisoq Ole Kirchert Christensen taama allappoq.

Annerpaat tallimat tulleriaarnerat imaappoq:

  1. Oslo Lufthavn
  2. Københavns Lufthavn
  3. Stockholm-Arlanda
  4. Helsinki-Vantaa
  5. Bergen-Flesland
OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER