Skip to main content

Katuaq matugallarnermi ilungersortoq

Katuaq isertitassaraluaminik ullut tamarluinnaasa annaasaqartarpoq. Suli qulakkeerneqanngilaq, suliffeqarfiit allat assigalugit kultoorip illorsua ikiorsiissutinik pisinnaanersoq.

Filmertarik qaminngavoq, filmit isiginnaarneqartussaagaluartut tamarmik unitsiinnarneqarallarput.

Ataatsimiittarfiit suliffeqarfinnit assigiinngitsunit atorneqartartut inoqanngillat.

Neriniartarfik, ullut tamarluinnaasa inuaqerpalaartaraluartoq issiasoqanngilaq, nerisassallu inniminnerneqartut ikinnerulersimasut, annillugit neriniagassatut pisiarineqartalerput.

- Sulisugut amerlanerpaartaat sulisinnaanngillat illorsuarput matoqqammat. Sulisugut pikkorilluinnartut sulisoriinnarumallugit qanoq iliornissatsinnik maanna misissuivugut, Katuami pisortaq, Arnakkuluk Jo Kleist oqarpoq.

Katuaq, aningaasaateqarfiusoq imminut pigisoq, isertitassaraluaminik ullut tamaasa annaasaqartarpoq, akiligassalli nikinnatik.

Taperserneqarnissaq pisariaqarpoq

Naalakkersuisut ikiorsiissutissat arfininngormat saqqummiuppaat. Taakkua inuiaqatigiinni suliffeqarfinnut maanna ilungersortunut ikiuutissaapput. Ikiorsiissutit marluk, immikkut ittumik ikiorsiissutissat aamma ataatsimoortumik inuussutissarsiortunut aaqqissuussineq katillugit 150 milliuunit koruuninik aningaasartaqartut, suliffeqarfinnut minnernut akunnattunullu ikiorsiissutissaapput. Soorlu akunnittarfinnut, neriniartarfinnut assigisaannullu. Ikiorsiissutit pingajuata akissarsiassanut ikiorsiissutaavoq.

Arnakkuluk Jo Kleist oqaluttuarpoq maanna misissorneqartoq Katuaq Naalakkersuisut ikiorsiissutaannik piumalluni qinnuteqarsinnaanersoq pissarsisinnaanersorlu.

- Maanna takusinnaasagut naapertorlugit, ikiorsiissutit suliffeqarfinnut minnernut suliaapput. Uagut kultoorilerinermik suliaqartutut angisuujuvugut, uagutsinnullu tulluartumik ikiorserneqarnissarput pisariaqartillugu. Nunani allani kultoorikkut suliaqartunut tulluartunik suliaqartoqarsimavoq, maanili tamakkuninnga pilersaaruteqartoqarneranik suli tusagaqanngilanga, Arnakkuluk Jo Kleist oqarpoq.

- Ikiorsiissutinik pissarsisinnaagutta iluaqutaassapput, qaammammulli kaaviiaartitarisartakkatsinnut matussusiinaviarnani, nassuiaavoq.

Nammineq kaaviiaartitat

Katuaq 2019-imi 25,5 milliuunit koruuninik namminerisamik kaaviiaartitaqarpoq. Kaaviiaartitat aaqqissuussaneerput, filminik takutitsinermeerput, ataatsimiinnernit neriniartarfimmeerlutillu. Namminersorlutik Oqartussat Kommuneqarfik Sermersoorlu ukiut tamaasa tamarmik 5 milliuunit koruunit sinnilaarlugit tapiissuteqartarput. Tamanna isumaqarpoq ingerlatsinerup annerpaartaa nammineq kaaviiaartitanit aningaasalerneqartartoq, taakkulu Katuap nammineq aaqqissuuttarai.

- Nammineq kaaviiaartitatsinnit napasinnaasariaqarpugut. Aaqqissuussat, ataatsimiinnerit, neriniartarfik filminillu takutitsinerit uagutsinnut ingerlatsinitsinnullu pingaaruteqarluinnarput. Maanna misissorparput aningaasatigut taperserneqarsinnaanerluta – aamma sulisugut. Sulisutta annaanissaat kissaatiginngilluinnarparput, pisortaq oqarpoq.

Katuaq qaammammut akissarsiaqartunik 20-nik akunnermusiaqartunillu 45-t missaannik sulisoqarpoq.

Arnakkuluk Jo Kleist ilisimatitsivoq kultoorip illorsua oqartussanut attaveqartoq, aningaasatigut ikiorserneqarnissaq pillugu, sulili akissutisimanatik.

Nukariinni inimi aqutsisoq: Pisariaqartinneqarnera naapertorlugu sulisarpunga
Marie R. Møller Nukariinni meeqqanut anginernut inimi aqutsisuuvoq. Perorsaasuunermi saniatigut isumaginninnermi ikiortitut ilinniarsimavoq, isumaginninnermullu tunngasunik...
Inoqatinnut iliuuseqarit
Kommuneqarfik Sermersuumi kajumissutsinnik iliuuseqartartunngorit! Coronamik nalaanneqarnerput pissutigalugu pisut ima ajortigilersinnaapput aallaat kommune suliassani qitiusuni sulisussanik...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER