kulturi

Katuaq 2015-imut naammagisimaarinnittoq

Nuummi Katuaq ilimagisamit ukiumoortumik angusanik angusarissaarneruvoq. Ilimaginngisamik isertitat cafémit aamma filmertitsininngaanneerput

Akisuanerit, Festival, 2014, Katuaq,fans

Kalaallit Nunaata kulturikkut illorsuata Katuap ukiomoortumik angusani saqqummiuteqqammerpai, tamannalu 344.000 koruuninik sinneqartoornermik inerneqarpoq, 38.000 koruuninik amigartooruteqarnissaq naatsorsuutigineqaraluarpoq.

Cafémi filmertarfimmilu 2015-imi naatsorsuutigisanit qaffasinnerusunik isertitaqarput, Katuap piorsarsimassuseq aallaavigalugu aaqqissuuttarsimasai cafémi filmertarfimmilu isertitaqarsimanerunermut pisooqataasimapput.

1 00.000-t orniguttut
Angusat aamma 2015-imi naatsorsuutigisanit ikinnerusunik ataatsimeersuartitsisoqarsimanernik sunnerneqarput.

Katuamut tapiissutinik tunniussisartut, Nammineerlutik Oqartussat Kommuneqarfik Sermersoorlu 2015-imi piorsarsimassutsip illorsuata ingerlanneqarneranut katillutik 9,5 millionit koruuninik tapiissuseqarsimapput. Katuarlu 34,3 millionit koruuninik kaaviiaartitsisimavoq 2015-imilu 100.000–it missinginit ornigarneqarsimalluni.

Katuaq 2015-imi angalaartitsinernik aaqqissuivoq, nunatsinni illoqarfiit aamma nunaqarfiit 15-it tikissimallugit.

Assit: Nordisk Koncertkorip aamma Nanookkut tusarnaartitsinerat pikkunartoq

Qooqqut festivali ingerlanneqaleruttorpoq

Illoqarfinnut nunaqarfinnullu annguttoq
Naak kulturikkut illorsuaq sipaaruteqarsimagaluartoq, Katuap oqaluttuarisaanerani kaaviaartitat aatsaat taamatut amerlatigisut 2015-imi anguneqarsimapput, siulersuisunilu siulittaasumit nersualaarisoqarpoq.

- Katuaq 1 koruunimik taperneqaraangat taava Katuaq 2,6 koruuninik nammineq qaavinut ilisisarsimavoq. 2015-imilu Katuaq illoqarfinnut nunaqarfinnullu arlaqartunut anngussimavoq, taamallu piviusunngortillugu tamaviaarluni anguniagaavoq. Kiisalu ataatsimiittarfiit ataatsimeersuartitsisarfiillu pitsaanngorsarnerisigut Katuap Horestamit pitsaassutsimut ullorissat tunniunneqartartut tallimat pissarsiarisimavai.

Atuaruk: Katuap ukioq manna tusarnaartitsineq kingulleq taamaatiinnartariaqaraa

Powered by Labrador CMS