Katuap Qallunaatsiaat tumai atuarpai
Saqqummersitsineq pisoqarsimaneranik takutitsisup, Qallunaatsiaat nunatsinniissimanerannik takutitsissaaq.
Saqqummersitsineq The Lost Norsemen - Qallunaatsiaat tammarsimasut, saqqummersitsinermik takuniaasut qanga qallunaatsiaat najugarisimasaannukaallugillusooq takutitsivigissavai. Isarussat Virtual Reality atorlugit Qallunaatsiaat Kujataani najugarisimasaannik takunnissinnaatinneqassapput.
Isarussat Virtuel Reality iluatigut igalaasartaqarput, isarussat atorlugit assit qalipakkallu tikillugillusooq isiginnaartumit peqataaffigineqarsinnaalertarlutik.
Saqqummersitsineq 17. november-10. december 2020 ingerlassaaq.
- Aqqutaani piffiit Unesco-miit eriagisassatut nalunaarsuusikkat, ukiut 1000-liit pisoqaassusillit takuneqarsinnaapput, Katuaq tusagassiorfinnut nalunaaruteqarnermini ilisimatitsivoq.
- Katuamiit periarfisseerusulluta siunniussimavarput isumaratta nunatta oqaluttuassartaasa ilaat pissanganartumik atortorissaarutitigut takutinniissaa. Neriuutigaarput saqqummersitami atorturissaartumi meeqqat inersimasullu alapernaallisissallugit saqqummersitallu nuannersumik misigineqarnissaa pulaartunut tamanut, Katuap pisortaa Arnakkuluk Jo Kleist oqarpoq.
Saqqummersitsineq piviusunngorsinnaasimavoq uku suleqatigalugit Katuaq, Royal Arctic Line, Air Greenland aammalu NAPA – Nordens institut i Grønland.