Pinngortitami ajunaarnersuaq

Katuami tapersersuiniarluni tusarnaartitsinerani 90.000 koruunit missarluinnaat isertinneqarput

Unnuaq, tallimanngorneq, kulturikkut illorsuaq Katuaq Nuummittooq, Uummannap eqqaani eqqugaasunut tapersersuiniarluni tusarnaartitsivoq. Julia Pars, Katuap pisortaanerata oqaluttuaraa aningaasat 90.000 koruunit isernermi akiliutigineqarsimasut. Aningaasallu tamarmik Røde Korsinut ingerlateqqinneqassapput.

Kulturhuset Katuaq i Nuuk var fredag aften vært for en støttekoncert til fordel for ofrene i Uummannaq-området. I alt otte bands var på scenen.

Tallimanngornerup unnukkuani nipilersortartut arfineq pingasut Uummannap eqqaani eqqugaasunut tapersersuiniarlutik tusarnaartitsipput.

Tassani kulturikkut illorsuarmi Katuami tapersersuiniarluni tusarnaartitsisoqarpoq, isernermilu akiliutigineqartut tamarmik eqqugaasunut tapiissutigineqassapput.

Billetsit 900-t

- Kingullermik billetsit takugakkit 900-t missaani tunisimavagut, taamaasilluta aningaasat 90.000 koruunit isernermit isertissimavagut, Julia Pars Sermitsiaq.AG-mut oqarpoq.

Billetsip ataatsip akia 100 koruuniuvoq. kisianni billetsit ilai meeqqanoortuullutik, taamaammallu aningaasat katillugit 90.000 ataatilaannguarpai, pisortaaneq nassuiaavoq.

Nipilersortartut piumassusillit

Pisortaanerup oqalutuaraa unnuk ingerlalluarsimasoq.

- Unnuk ingerlalluaqaaq. Nipilersortartut piumassuseqarluaqaat, taakkuli suliamut pitsaasumut tapersersueqataalluarusussimapput. Innuttaasut taama amerlatigisut unnussiornermut tapersersuinermulli peqataasimanerat assut nuannerpoq, Julia Pars oqarpoq.

Aningaasat Røde Korsinut tunniunneqassapput.

Powered by Labrador CMS