Katuami filmimik takutitseqqaarnissaq taamaatiinnarneqartoq
'Kampen om Grønland' tallimanngorpat Katuami takutinneqassangilaq
Coronap tuniluunnera pissutigalugu filmip piviusulersaarutip, 'Kampen om Grønland', tallimanngorpat Katuami takuteqqaarneqarnissaa taamaatiinnarneqarpoq.
Filmilioqataasoq Jørgen Chminitz facebookikkut allappoq.
- Filmiliortoq Ulrik Gutkin peqatigalugu aalajangersimavugut, "Kampen om Grønland"-ip tallimanngorpat takuteqqaarneqarnissaa taamaatiinnarniarlugu. Katersuunnissamut piumasaqaatit sakkortusiartuinnavipput, taamaammat Ulrik Kennethilu Nuummukassanngitsut aalajangersimavugut, taanna ilisimatitsivoq.
Peqatigitillugu oqaluttuaraa, filmi kingusinnerusukkut Nuummi takutinneqarumaartoq.
'Kampen om Grønland' aamma Cph.Dox-imi pingaarnerit ilaattut takutinneqartussaagaluarpoq. Tannali aamma taamaatiinnarneqarsimavoq, digitalikkulli isiginnaarneqarsinnaavoq.