Kattuffiit: Naalakkersuisoqatigiit qajannartumi inissisimapput
Sulisitsisut aamma Sulinermik Inuussutissarsiuteqartut Kattuffiata Naalakkersuisut, tassalu Inuit Ataqatigiit aamma Naleqqap suleqatigiinnissamik isumaqatigiissutaat siammasissumik tunngaveqarluni anguniagaqarmat ilalerpaat. Unammillernartoqassangatippaalli.
- Siammasissumik tunngavilimmik anguniagaqarluni isumaqatigiissusiortoqarsimavoq, assigiinngitsutigut suleqatigiinnissamik assammik isaassinertaqarpoq, soorlu kommuuninut. Siammasissumik isumaqatigiissusiornissaq kissaatigineqarpoq, tamannalu pitsaasuuvoq. Naalakkersuisoqatigiinnerli qajannartutut nalilerparput, taamaattumik qanoq piviusunngortitsiniartoqassanersoq pissanngatigaarput.
Sulisitsisut (GE) pisortaata, Christian Keldsenip, isumaqatigiissut qimerlooreerlugu aviisimut AG-mut naliliivoq.
Inuussutissarsiutinik ineriartortitsinissap sammineqarnera maluginiarpaa, tassani ilaatigut namminersortut atorneqarnerisa nukittorsarneqarnissaanut tunngasut tikkuarpai.
Aningaasalersuinissaq apeqquserneqarpoq
-Taamatuttaaq aningaasanut inatsimmi suleriaaseq erseqqissoq kiisalu allaffissornerup annikillisinneqarnissaanut tunngasut pitsaasuupput. Inuussutissarsiornerup nukittuup pingaaruteqassusaa isumaqatigiissummi naqissuserneqarsimavoq, tama-tumalu piviusunngortinneqarnissaa qilanaaraarput, oqarpoq.
Aningaasanut inatsisissaq qanoq ilusilersorneqassanersoq SIK-p siulittaasuata aam-ma pissanngatigaa.
-Utoqqarnut, meeqqanut, isumaginninnikkut, ilaqutariinnut, ineqarnermut, peqqissutsimut, ilinniartitaanermut imminullu pilersorsinnaanermut tunngasut pitsanngorsaaviginiarneqarnerat kia ajorissavaa, SIK-p siulittaasua Jess G. Berthelsen oqarpoq.
- Ataatsimut isigalugit anguaniagaat kusanarput. Taamaattumik qanoq aningaasalersuissanersut apeqquserpara, oqarpoq.
Allaaserineqartoq aviisimi AG-mi tamakkiisumik atuaruk. Aviisi uani pisiarineqarsinnaavoq: