Skip to main content

Kattuffiit: Kanngunartumik inatsisissamik suliarinninneq

KNAPK-p aamma Sulisitsisut isumatsaqqanerat ersarippoq, taakku aammaarlutik aalisarnermut inatsisissamut siunnersuut pillugu sakkortuumik oqariartuuteqarlutik tusagassiuutinut nalunaaruteqaqqipput.

Inatsimmik suliarinninneq kanngunartumik ingerlanneqartoq kattuffiit soqutigisaqartut isumaqarput, aamma Inatsisartunilu naalakkersuinermik suliaqartut inatsimmut katitigaasumut paasinninnissamut sapaatip-akunnerinnaanik piffissalerneqarsimanerat pakatsissutigaat, aalisarnermut naalakkersuisoqarfiup ilisimasalittai upperissagaanni tamanna millionilikkaanik pingasunik kisitsisitaqartunik inuiaqatigiinnut akeqartitsisussaavoq.

Ileqqorissaarluni tamat oqartussaaqataanerat qaangiinnarneqartoq
- Inatsisissamik piareersaanerminni Naalakkersuisut kikkut tamat oqartussaaqataannissaanni periusissat tunngaviunerpaajusut allaat saneqqutiinnarpaat. Suyliap ingerlanerani Sulianaqatigiiffiiti, immikkut ilisimasallit, aalisarnermik inussutissarsiuteqartut Namminersorlutillu oqartissat imminneq Aningaasaqarnermut Akileraartarnermullu Naalakkersuisoqarfiat sakkortuumik isornartorsiuteqaraluarput, aammalu Aalisarnermut Piniarnermullu Naalakkersuisoq mianersoqqullugu ilisimatitsissuteqarfigalugu, siunnersuut amigaateqarluninilu suliarilluagaanngitsoq Kalallit Nunaannilu aningaasaqarnermut ajutoorluinnartunngortitsisinnaasoq pillugu – taamallu aamma innuttaasut ataasiakkaat eqqornerlunneqartussanngortillugit, KNAPK-mi siulittaasoq, Henrik Sandgreen, aamma Sulisitsisuni pisortaq, Brian Buus Pedersen allapput, ilanngullugulu:

- Naallu arlaleriaqaluni oqaloqatigiinnissaq angujumallugu saaffiginnittoqartaraluartoq Naalakkersuisut, suliniaqatigiiiffiit, suliffeqarfiit allallu pineqartumut attuumassuteqartut inatsisissamik piareersaanermi akuliutsikkumaneqanngillat. Tamannalu Naalakkersuisut ”demokratiimik ataqqinnilluni eriaginninnissamik, minnerunngitsumillu innuttaasunik sutigut tamatigut akuliutsitisarnissamik” oqariartuuteqarnerannut naapertuutinngilluinnarpoq, taama isornartorsiorput.

Aningaasat suminngaanniik aaneqassappat
Taakku kattuffiit marluk aningaasat suminngaanniik aaneqarnissaat Naalakkersuisunut apeqqutigaat. Naalakkersuisut ''annaasassanut matussutissanik sunnguanilluunniit taasaqarnikuunngitsut'', taakku isumaqarput.

Aamma atuaruk: Karl Kristian Kruse: Suna tamarmi taartuinnaanngilaq

Tamanna tunngavigalugu Inatsisartunut ilaasortat inatsisissatut siunnersuut itigartitsissutiginissaanut kajumissaasoqarpoq, taarsiullugulu nutaamik inatsisissatut siunnersuusiornissamut aalisarnermik suliaqartut tamaasa oqaloqatigiinnissamut qaaqquneqarnissaat kissaatigineqarluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER