Katsorsaasut aqqanillit nutaat

Imigassamik, ikiaroornartumik aningaasamoornermilluunniit ajornartorsiuteqartunut ikiuinissaminnut ilinniakkamik naammassisut aqqanillit ullumi ilinniarsimanermut uppernarsaatissartik tiguaat.

Katsorsaasunngortut Peqqissaanermik ilinniarfimmi nalliuttorsiutigineqartumik allagartartaartinneqartut pikkorissaanermut pisortaq Else Thygesen paasissutissiivoq.

- Katsorsaasunngorniarnermi katsorsaariaatsit assigiinngitsut ilinniartitsissutigineqartarput. Ilinniakkallu sullitanut atornerluisuusunut qanoq atorneqarsinnaaneri ilinniartitsissutigineqartarlutik, Else Thygesen tusagassiuutinut nalunaarummi allappoq.

Atuaruk: Suleqatit imigassarsunnippa?

Katsorsaasunngorniarneq ilinniaqqiffiuvoq aalajangersimasumik siunertalik. Ilinniarneq maajimi aallartittoq decembarimi piareerneqartoq pingasunut agguataagaavoq.

Atuaruk: Suleqatinut nakkutiginninneq killissamik qaangiineruvoq

Ilinniartut Naalakkersuisut atornerluisunut suliniutaannut ilaatigut peqataatinneqarput. Suliniut naartusunut imigassartunngiulluinnaqqusinermik ilaatigut ilaqarpoq. Suliffeqarfinni aamma inunnik atornerluinermut pingaarutilinnik silersitsisoqassasoq siunertarineqarpoq. Taakku suleqatitik atornerluisuunerinut pasitsaassigunik iliuuseqartartuussallutik.

Inatsisissatut siunnersuummi oqaaseqaammi ilaatigut tamakku eqqaaneqarput. Inatsisissatut siunnersuut imigassamik, ikiaroornartumik aningaasamoornermullu ajornartorsiuteqartunut ikiuiniarnermi aningaasartuutissat 250-t 316 millionit koruunit akornini ukiumut aningaasartuutaasussamut.

Atuaruk: Fontain qisuariarpoq

Assi:

Tunorliit saamimmit: Esther Nathansen, Birgit Niclasen Margrethe Geråe, Sofie G Josefsen, Nunnuma Olsen, Pipaluk Tittusen.

Saarliit saamimmit: Hanneanna Heilmann, Ruth Søholm, Akisooq S. Geisler, Marie L Noahsen, Laila Andersen.