atornerluineq
Katsorsaaneq iluatsilluartoq kalaallisuunngortinneqassaaq
Inuusuttut imigassamik hashimillu atornerluisut katsorsarneqarnerannit sunniuteqarsimanermut København uppernarsaateqarpoq. Nunatsinnut periusissamik sunniuteqarsinnaasumik ineriartortitsinissamut maanna ikiuutissapput
Københavnimi ukiuni arlalinnik inuusuttut atornerluisut ikiorniarlugit, periuseq U-turn sulinermi atorneqartareerpoq. Periuserlu iluatsittarpoq. Tamannalu suliarinnittut oqaatigiinnagarinngilaat.
Sunniutai uppernarsakkat
SFI, atugarissaarneq pillugu ilisimatusarfiup naqissuserpaa, inuusuttut 70 procentingajaat aanngajaarniutit taamaativissimallugit imaluunniit atuinertik malunnaatilimmik annikillisimagaat.
Atuaruk: Inuusuttut iluatsittumik katsorsarneqartut
- U-turnimik suleqateqarnissap toqqarneranut, SFI-p uppernarsarsimasai aalajangeeqataasup aapparaa, Birgit Niclasen oqarpoq, taanna Allorfimmi aqutsisuuvoq, Namminersorlutik Oqartussani aanngajaarniutit pillugit ilisimasanik siammarteriviuvoq.
Misilittakkat tulluarsakkanik aaqqiissutillit
Københavnip periuseq kommuninut allanut eqqunnikuuaa, kisianni sumiiffimmi pisariaqartitanut atukkanullu tamanut tulluarsagaalluni. Tunngaviusumik aallaavimmik ineriartortitsisoqarnikuuvoq, taannalu ineriartorteqqitassaavoq.
- U-turnimik suleqateqarnissamik aalajangeeqataasup aappaa tassaavoq, siornatigut aaqqiissutissanik tulluarsagassanik aalajaatsunillu suliaqarnikuugamik, Birgit Niclasen nassuiaavoq.
Atuaruk: Inuusuttunut katsorsaariaaseq eqqunneqalersoq
Pisariaqartitat akusiorneqassasut
Inuusuttut imigassamik hashimillu ajornartorsiorlutik atuisut, suut ajornartorsiutigerpiarneraat misissuinermut U-turn maanna ikiuutissaaq. Taamaaleriarlutik ajornartorsiutit qanoq aaqqinneqassanersut siunnersuuteqassapput.
Inuusuttunut ataasiakkaanut periuseq tunngaveqassaaq.
- Nammineq periusissarput ineriartortinnissaa pingaaruteqarpoq, Birgit Niclasen naqissusiivoq.
- Københavnimi periuserineqartoq assilinnginnissaanut pissutissat arlaqarput.