Skip to main content

Katsersugaasiviup timit paniinnarnikut USA-mi misissorsimagai

Nunatta Katersugaasivianit kalaallit timaat paniinnarnikut USA-miittut Kalaallit Nunaannut utertinneqarnissaat kissaatigineqarpoq, katersugaasivimmilli timit paniinnarnikuunermikkut mianernarsisimaqisut toqqorsivimmiittuutinniarneri saqqummersitsinneqartarnissaallu unammillernartinneqartussaapput.

USA-mi Harvard Universitymi katersugaasivik kalaallit timaannik paniinnarnikunik arlalinnik katersugaateqarpoq. Timilli paniinnarnikut ukiut 500-t missaannik pisoqaassusillit itsarsuarnitsap amiakkuatut pingaaruteqarnerat pissutigalugu Kalaallit Nunaannut utertinneqartariaqarput.

Politikkeri Doris J. Jensen (S) taamatut isumaqarpoq, taassuma siunnersuutigisimavaa, Naalakkersuisut timinik paniinnarnikunik Kalaallit Nunaannut utertsinissaq anguniarlugu suliamik aallartitsisariaqartut.

Nunatta Katersugaasiviata Sermitsiaq.AG-mut ilisimatitsissutigaa, katersugaasiviup suliaq 2018-imili aallartissimagaa, tassani Uunartumi Kalaallit Nunaanniittumi nassaat ataatsimut katersorneqarnissaat anguniarlugu – taakkununnga ilanngullugit timit paniinnarnikut USA-miittut.

Nunatta Katersugaasivia tassunga atatillugu Peabody Museumimi nakkutilliisumik pulaartoqarsimavoq, timinik paniinnarnikunik misissuiartortumik. 

Toqqorsivimmiititaqarneq saqqummersitsisarnerlu unammillernarsimasut

Nunatta Katersugaasivia naapertorlugu unammillernartoqarneranut timit paniinnarnikut Kalaallit Nunaannut utertinneqarnissaat pillugu isumaqatigiissusiornissamut imatut attuumassuteqarpallaanngillat. Ajornartorsiutaasorli tassaasoq qangarnitsat taakku mianernaqisut toqqorsivimmiitinniarneqarnerat, katersugaasivik ilisimatitsivoq:

- Kulturitoqqamit amiakkuusut, soorlu Uunartumi timit paniinnarnikut, nunamut nassaarfiusumut utertinniarneqartarnerisa - sivisoorsuarmik pisarnera, katersugaasivinnit toqqorsiviusunit akerlerineqarneranit imaluunniit tunniusserusuttoqannginneranit pissuteqartarnera qaqutigoortuuvoq.

- Akerlianik NKA-mut unammillernarnerpaasoq tassaavoq, kulturitoqqamit pissusitoqqanillu amiakkuusut pingaaruteqarluinnartut, Kalaallit Nunaanni isumannaatsumik toqqorsivimmiitinneqarnissaasa pitsaasumillu saqqummersinneqartarnissaasa qulakkeerneqarnissaat, tassa siunissami attatiinnarneqarnissaat anguniarlugu aamma kinguaariinnut tulliuttunut iluaqutaallutillu nuannaarutaanissaat anguniarlugu, Nunatta Katersugaasivianit Christian Koch Madsen Sermitsiaq.AG-mut allakkatigut oqaaseqaateqarluni allappoq.

Tatineqareersoq

Christian Koch Madsenip oqaatigaa, Nunatta Katersugaasivia nuutoqqami illutoqqami inissaqartitserpianngitsumi inissisimanera pissutigalugu, toqqorsivimmiittuuteqarniarnermut saqqummersitsisarnissamullu atatillugit tatineqaqqareersoq

Timinut paniinnarnikunut pingaartumik atatillugu toqqarsiveqarnissamut annertuumik piumasaqaatitaqarpoq, taakkumi asiussanngippata kissassusermi aalajangersimasumi toqqortaatigineqartariaqarput:

- Tassa Nunatta Katersugaasivianit kalaallit kulturitoqqaannit pissusitoqqaannillu kingornussat nunani allaniitinneqartut soqutigineqarnerujartornerat pitsaasutut isigineqaraluartoq, angerlaanneqassappata pisariaqartinneqartumik aningaasatigut tunngavissiisoqarnissaa pisariaqarpoq, aamma tamakkunannga isumaginninnissamut ilisimasaqarnissaq aningaasaliissuteqarnissarlu pisariaqassasut.

- Kulturitoqqamit pissusitoqqanillu amiakkuusut toqqorsivissaqartinngikkutsigit soqutiginnittunullu tamanut tikinneqarsinnaatinngikkutsigit angerlaanneqarnissaat isumaqanngilaq, Christian Koch Madsen allappoq.

Kulturitoqqamit amiakkorpassuit nunamit aallarunneqarsimasut

Nunatta Katersugaasivia naapertorlugu, Kalaallit Nunaata nunasiaataasimanera pissutigalugu, kulturitoqqamit pissusitoqqamillu amiakkorpassuit piffissap ingerlanerani nunamit aallarunneqartarsimapput. 

- Taakkununnga ilaapput Kalaallit Nunaata oqaluttuarisaaneranik paasinninnissamut qangarnitsat immikkuullarissut imaluunniit immikkut pingaarutillit. Nunatta Katersugaasivianit kulturitoqqamit pissusitoqqamillu amiakkut sorlliit pineqarnersut kiisalu sumiitinneqarnersut ilisimaneqarluarpoq, Christian Koch Madsen allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER