Skip to main content

Katersugaasivik Davip inissinneqarsimasup inuuneranik saqqummersitsisoq

David Samuel Naeman Josef Kristoffersen 1950-ikkut allartinneranni Danmarkimi inissinneqarsimavoq. Nationalmuseumimi saqqummersitsinikkut kinguneqaataasimasut maanna oqaluttuarineqarput.

”Displaced” pillugu saqqummersitsinermi David Samuel Naeman Josef Kristoffersenip inuunerata oqaluttuassartaa tunngavigineqarpoq.

David 1956-mi Nanortalimmi inunngorpoq, 1950-ikkullu aallartinneranni meeraanermini kisimiilluni ukiuni marlunni Danmarkiittussanngorlugu aallartinneqarsimalluni.

- Davip oqaloqatigineqartarneratigut, taanna pillugu allagaatit Rigsarkivimiittut pissarsiarinerisigut aamma najukkami assit nassaarineqartut namminerlu pigisai aqqutigalugit, inissinneqarsimanera tamatumalu kinguneqaatai pillugit taassuma oqaluttuassartaa saqqummiunneqarpoq, Nationalmuseum tusagassiorfinnut nalunaaruteqarnermi allappoq, nangillunilu:

- ”Displaced” oqaluttuaavoq, inuup nagguimminit qimagutinneqarsimanera, najukkaminut attuumassuteqarnerminik, oqaatsiminik inuunerminilu attavigisartakkaminik annaasaqarsimanera, angerlarsimaffimmnik kulturiminillu annaasaqarsimanera pillugit, aammali tamakkunannga utertitseqqissimanera pillugu.

Nanortalimmi saqqummersitsinissaq nammineerluni ammassagaa

Katersugaasiviup allagaateqarfiani pisortaq Inge Høst Seiding isumaqarpoq, danskit-kalaallit oqaluttuarisaaneranni meeqqatut inissinneqarsimasutut nammineq inuunerisimasamik ujartuineq maannakkorpiaq sammineqarluartoq:

- NKA-mi allagaateqarfik inuppassuit ujartuinerminni aqqusaartaanni, aammali Kalaallit Nunaanni inuiaqatigiit ataatsimut isigalugit ujartuisoqartarpoq. Sulinerput allagaatinit tammarneqarsimasunit amigaatigineqartunillu, kiisalu allagaatinit suli igineqartunit, Danmarkimili Kalaallillu Nunaanni allagaateqarfiit avissaartuussimanerannit sunnerneqartarpoq, taana oqarpoq.

- Taamanikkut inissinneqarsimasut akissutissarsiorput, uagullu allagaatitnik piginnittuunermut pissarsisinaanermullu aaqqiissutissarsiorniarluta oqaloqateqarusuppugut, Inge Høst Seiding oqarpoq.

Septembarip qaammataa Nationalmuseumip saqqummersitsineranut peqatigitillugu saqqummersitsineq Nanortaliup Katersugaasiviani annikinnerusunngorlugu aamma ingerlanneqassaaq. Nanortalimmi saqqummersitsineq David Samuel Naeman Josef Kristoffersenimit ammarneqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER